airplanebooksbriefcase business cogs cross election entertainment fish house law lockmedicalpeopleselfservices socialtax

Ilaqutareeqarnermut ingerlatsivik angajoqqaarsiatut, oqilisaassisartut kiisalu tassanngaannaq inissiiviusinnaasunik sulisinnaasunik pissarsiorpoq.

Meeqqanut pisariaqartitsisunut /innarluutilinnulluunniit angajoqqaarsianngornissamut imaluunniit oqilisaassisutut eqqarsaateqarpit?
27. januar 2023
Foto: Visit Greenland

Ilaqutareeqarnermut ingerlatsivik angajoqqaarsiatut oqilisaassisartutullu sulisinnaasunik pissarsiorpoq.

Nalinginnaasumik angajoqqaarsiat meeqqanik 0-18-nik ukiulinnut angerlarsimaffiup avataanut sivikinnerusumik sivisunerusumilluunniit inissinneqarsimasunik paarsisarput.

Oqilisaassisartut aamma meeqqanik 0-18-nik ukiulinnik paarsisarput, angajoqqaavi ulluinnarni atugarisaannik ikiorsertariaqalersimasut oqilisaanniarlugit.

Tassanngaannaq inissiiviusartut suliassaraat, meeqqamut tassanngaannaq inissinneqarsimasunut isumassuineq meeqqat 0-18-nik ukiulinnut, piffissami sivikitsumi annerpaamillu ulluni 30-ini paarsineq.

Soqutiginnittut uku aqqutigalugit attaveqarsinnaapput:

Oqarasuaat nuutitsisarfik 70 18 00 ulluinnarni nal: 09:00 – 15:00 ammasarpoq (pingasunngorneq minillugu)

e-mail: meeqqat@avannaata.gl

Naatsorsuutingaarput

  • Ilaqutareeqarnermut ingerlatsivik atuarfillu qanimut suleqatigisinnaassagisi
  • Meqqat immikkut pisariaqartitaanut isumassuisinnaassasusi
  • Suleqatiginnikkusussuseqartusi
  • Meqqqanik paaqqutaqarnermut misilittangaqartusi
  • Pinerluuteqarsimanngittusi
  • Peqqissuususi
  • Timikkut tarnikkullu nukittuujususi

Ukua neqeroorutigisinnaavagut

  • Ilitsersuineq siunnersuinerlu, aammalu immikkut oqaloqateqarsinnaaneq
  • Paarsaqarnissinni inatsisit malillugit akissarsiaqartitaaneq
  • Angajoqqaarsiaaneq pillugu pikkorissartinneqarneq

 

Angajoqqaarsianngorusuppunga

Foto: Visit Greenland