airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqerivinni intranet nutaaq suleriutsinut nukittorsaasinnaavoq

- Ulluinnarnilu pilersuisussaatitaasut oqilisaatissallugit
9. februar 2023

Ilulissani ulluunerani ornittakkani sulisut 100-ngajaat katersuuteqqammerput qarasaasiatigut attaveqaatigiinnermut sakkoq INTRA-p eqqunneqarneranut atasumik, taanna siullermik Avannaata Kommunia-ni Ilulissani meeqqerivinni atuutilersinneqassooq.

INTRA periarfissanik arlalinnik peqarpoq, sulisunut oqinnerulersitsisussamik, soorlu meeqqat ataasiakkaat takkuttarneri peqanngittarnerilu aqunneqarsinnaapput. Susassaqartitsinernut pilersaarusiornissamut pitsaanerusumik periarfissaqalerneq aammalu soorlu qaangiuttoornermut taarsiullugu sulinngiffeqarnerit, meeqqanik takkuttukittoqartillugu.

”Sulisut, meeqqat ataasiakkaat malinnaaffiginissaannut pitsaanerusumik sakkussaqartinneqalerput. Ajornannginnerusumik siammasissumik takunnissinnaalissapput inissaq akunnialuinnarni atorneqartarnersoq imaluunniit ullut tamaasa 7.30-17, sulisullu taamaalillutik oqaloqatiginninnissat pisariaqartut ingerlassinnaallugit”, taama oqaluttuarpoq Else Marie Ravnhøj Johansen, ulluunerani neqeroorutini pisortaq, Ilinniagaqarnermut ingerlatsivik, Avannaata Kommunia.

 

INTRA mobil-imiik (smartphone), qarasaasiamiik Tablets-imiillu (soorlu Ipads). INTRA app-uvoq, taamaattumik pilersuisussaatitaasut ajornanngitsumik meeqqerivimmi misissuisinnaallutik imaluunniit paasissutissat nutaarsiassallu takusinnaallugit. Inini sulisut ullormut misigisat nalunaarutillu assinngorlugit pilersuisussaatitaasunut nalunaarutigalugit.

”INTRA-p malitsigissuaa aqutsisut, sulisut pilersuisussaatitaasullu oqinnerusumik pitsaanerusumillu meeqqerivimmi periarfissaqalernissaat – soorunami meeqqat iluaqutaasumik,” ingerlatsivimmi pisortaq oqaluttuarpoq.

Aqutsisut aamma toqqaannartumik attaveqarnissaminnut imaluunniit sulisut iluanni eqimattani sakkussaqalerput soorlu sissuertoqarnissamut kiisalu sulinngiffeqarnissamut pilersaarutit aammalu sulianut tunngatillugu isumaliuuteqarneq, paasissutissat attuumassutillit allarpassuillu sulisut suliaminnut nukittorsaatigisinnaasaat.

Pilersuisussaatitaasut smartphone-qanngippata qarasaasiaqanngippataluunniit, sulisut meeqqap takkunnera nalunaarsorsinnaavaat uppernarsaallu pappialanngorlugu tunniullugu.

Qulaarnaatsumik paasissutissat toqqortarineqarneri

INTRA nutaap ajunngequtigaa, pilersuisussaatitaasut meeqqaminnut tunngatillugu paasissutissat takusinnaangamikkit, paasissutissallu tamakku paasissutissanik katersuivimmut ”Inuit- It” ataani toqqorneqartassallutik. Tamannalu qulakkeerisuuvoq paasissutissat INTRA-miittut susassaqanngitsunut siammertinnginnissaannut.

”Malittarisassaqartussaavoq, aamma pilersuisussaatitaasut eqqumaffigisassaannik. Soorlu allat meeraasa assinginik INTRA-miik tigusiinnartoqarsinnaanngilaq. Pilersuisussaatitaasut meeqqap meeqqerivimmiilerneranut atasumik akuersisussaavoq, meeraq assilisissinnaanersoq imaluunniit video-liarineqarsinnaanersoq, toqqorsivimmi matoqqasumi inissisimasussani.

Sulisut INTRA pillugu ataatsimut ilisaritinneqarnerata saniatigut, maanna paaqqinnittarfinni ataasiakkaani atuutilernissaa sulissutigineqarpoq.

”Nalunaarutit siulliit pitsaapput taava massakkut sulisut eqqissillutik INTRA iserfiginiassuaat periarfissarpassuillu, ataqatigiissumik pulaffiginiarsaralugit. Naatsorsuutigaarput ulluunerani meeqqeriviit qaammatit marlussuit tulliuttut ingerlanerani tamarmik INTRA-taareersimanissaat,” Else Marie Ravnshøj Johansen oqaluttuarpoq.

Meeqqerivik Arnarsiaq ukiaq 2022 INTRA misilittareerpaa ajunngilluinnartumillu kinguneqarmat, Kommunalbestyrelse missingersuutini 2023-moortuni Ilulissani meeqqerivinni tamani atorneqalernissaanut aningaasaliivoq.

Iluatsilluassappat, ilinniagaqarnermut ingerlatsivik 2024-mi aningaasaliissutissanik qinnuteqassooq Avannaata kommunia-ni meeqqeriviit sinnerinut aamma INTRA-p eqqunneqarnissaanut