Kommunip pilersaarutaata tapiata pingaarnertut siunertaa tassaavoq inissiatut akulerussuussatut iluseqartunik illunut sumiiffiup atugassiarinissaa. Tassunga atatillugu imm. ilaa 1200-A21-p killeqarfia allineqarpoq, immikkoortitatut imm. A21.2-mut aalajangersakkat immikkuualuttut nutaat aalajangersarneqarlutik, tamatumani siamasissunik-pukkitsunik aamma akulikitsunik-pukkitsunik inissialiornissamut periarfissiisoqarluni. Kommunip pilersaarutaata tapiatigut sumiiffiup iluani aqquserngit uninngaarfissanillu atugassiinissamut pilersaarut aalajangersakkanik imaqarpoq.
Kommunip pilersaarutaata tapiatigut suliniummut qinnuteqaammut nunaminertamik atugassiinissaq periarfissinneqassaaq, nunaminertallu inniminniissutaanera nalunaarutigineqareerpoq.
KJ Greenland A/S-imit suliniummut qinnuteqaammik tunngaveqarluni kommunip pilersaarutaata tapia suliarineqarpoq. Suliniummut qinnuteqarfissaq nivingatinneqarpoq piffissami 07.12.2022-miik 01.02.2023-mut pilersaarusiorneq nunaminertamillu atuineq pillugu Inatsisartut inatsisaat ยง 45a naapertorlugu.
Tusarniaanerup nalaani suliniummut qinnuteqaat pillugu akerliliinernik oqaaseqaati-nilluunniit tigusaqartoqarnikuunngilaq, aammattaaq suliniummut siunnersuummik al-laanerusumik tigusaqartoqarnikuunani.
Kommunalbestyrelsip suliniummut nunami-nertamik inniminniinerup nalunaarutigineqarnissaa aalajangerpaa.
