airplanebooksbriefcase business cogs cross election entertainment fish house law lockmedicalpeopleselfservices socialtax

Kommunip pilersaarutaanut ilassutip nr. 39 siunnersuut immikkoortumut 1200-A33, Ilulissani Qupaloraarsuup aamma Illumiut eqqaanni inissiaqarfik

Kommune-p pilersaarutaanut ilassut suliarineqarpoq immikkoortut pingasut (A-omrรฅder) ataatsimut kattutsinneri tunngavigalugit kiisalu sanaartorfissanik nutaanik pilersitsinermi. Immikkoortoq C6 taakkununnga pingasunut ilanngutsinneqassaaq. Taamaalilluni allaffissornikkut oqilisaaneq immikkoortoq A33-mut nutaamut ataatsimut pissalluni.
4. april 2023

Kommunemut pilersaarummut tapiliussaq nr. 39 piffissami 31.03.2023-miit 26.05.2023-mut tamanatu tusarniutigineqarpoq.

Kommunip pilersaarutaanut ilassutip nr. 39 siunnersuut immikkoortumut 1200-A33, Ilulissani Qupaloraarsuup aamma Illumiut eqqaanni inissiaqarfik.

Kommunip pilersaarutaata tapiata siunertaa

Pingaarnertut aalajangersakkat kiisalu mikisualuttaanik aalajangersakkat immikkoortumi nutaami (immikkoortut pioreersut sisamat ataatsimut attavilernerisigut) periarfissanngorniarlugu inissiat pioreersut aamma suliffeqarfik/utoqqaat illuat, kiisalu inissiat assigiinngitsut nutaat sanaartornissaat.

Aamma pilersaarumut siunertaq tassaavoq inissianut siunertanut nunaminertanik qularnaarinissaq. Ilulissani inissianut suussutsinut tamanut assut piumasaqartoqarlunilu amigaateqartoqarneq misigineqartuummat.

Imm. ilaata iluani siunertamut sanaartorfissat nutaat qulingiluat atugassiarineqarput.

Aamma pilersaarummut siunertaq tassaavoq sumiiffimmik atugaqarnissaq, taamaalillutik sanaartorfissat assigiinngitsut taakku pisarialittut taakkununnga atasutut silami nunaminertassanik, soorlu biilinik inissiivinnik imaluunniit pinnguartarfinnik qulakkeerneqassallutik.

Kommmunimut pilersaarummut tapiliussaq sapaatip akunnerini arfineq-pingasuni sivisussuse-qartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/gl/tusarniaanermut/tusarniaanermut/ imalt. Mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku

kingusinnerpaamik kommunimit tiguneqareersimassapput ulloq 26.05.2023.