airplanebooksbriefcase business cogs cross election entertainment fish house law lockmedicalpeopleselfservices socialtax

Avannaata Kommuniani, Eqip eqqaani, illuaqqap Paul-Emile Victors Ekspeditionshyttemik taaneqartartup eqqissisimatinneqalernissaa pillugu tusarniaaneq

13. februar 2018

Paul-Emile Victor’ip ilisimasassarsiortutut Eqip eqqaani illuaraa kulturikkut oqaluttuarisaanermi nunatsinnut naleqartitatut pingaaruteqarpoq, taanna nunamit kaanngartitassaanngitutut eqqaassutissaanermigut 1900’kkunni Kitaani ilisimasassarsiortarsimanerit pillugit oqaluttuassartaqarmat.

Ilisimasassarsiortarsimasut illuaraat taassumalu avatangisai eqqannguaniittut eqqissisimatitassatut matumuuna inassutigineqarput.

Eqqissisisimatitsinissap taassuma oqaluttuassartanut qulakkeerutaassaaq, illuaraq pioreersoq piinnarnargu, kisianni aamma Eqip ilisimasassarsiortarnernut inuinnaallu issittoq pillugu paasisassarsiortarnerannut aallaavittut atuussimanera pillugu.

Illuaraq pioreersoq sanaqqaarneqarneranilu atortut suli piusut eqqissisimatitsiniarnermut naleqartitatut tunngaviupput. Kiisalu oqaluttuarisaanikkut takussutissat uppernarsaataapput illuaqqap sumut atorneqartarsimanera pillugu, pingaartumik ilisimasassarsiortut tassaniittarsimanerannut takussutissat. Taamatuttaaq pingaartinneqarpoq taassuma avatangiisai eqqannguaniittut sanaartorfigineqarsimanngitsutut attatiinnarneqarnissaat, illuaqqap immikkuullarissutut inissisimanera tamaani inuuneq pillugu oqaluttuarisaanermut ilassutaammat.

Uani pineqartoq pingasunngornermi ulloq 17.01.2018-imi Kulturikkut qingornutassat pillugit Siunnersuisoqatigiinnut saqqummiunneqarpoq taakkulu eqqissisimatitsilernissaq akuersaarpaat.

Tusarniaaneq qaammatinik 3-nik sivisussuseqarpoq. Tamanna pillugu oqaaseqaatit uunga nassiuteqquneqarput:
Nunatta Katersugaasivia Allagaateqarfialu, P.O. Box 145, 3900 Nuuk.

Oqaaseqaatit 15. maj 2018-imi tiguneqareersimassapput isumaliutinut ilanngunneqarsinnaaqqullugit.

Tusarniaanerup nalaani eqqissisimatiligassatut eqqarsaatigineqartumut pinngitsoortitsisinnaasunik imaluunniit ajornakusuulersitsisinnaasunik iliuuseqartoqassanngilaq, tak. Eqqissisimatitsisarneq aamma allatigut kulturikkut eriagisassanik kulturikkut kingornussatut illersuineq pillugu Inatsisartut Inatsisaat nr. 11, 19. maj 2010-meersoq.
Aalajangiinerup pereerneraniit ullut 14-it qaangiutsinnagit aalajangiineq Nunatta Katersugaasiviata Allagaateqarfiatalu tamanut ammasumik nalunaarutigissavaa.

Tusarniaanermi allagaq ilaliussaq.pdf