Matumuuna nalunaarutigissavarput Pisortaaneq Sivso Dorph napparsimanini pissutigalugu sulinngiffeqarnini sivitsormagu aamma ilanngullugu nalunaarutigalugu upernaamut soraarninngornissani siunniussimallugu.
Tamanna tunngavigalugu ullumikkut Aningaasaqarnermut Ataatsimiititaliaq aalajangerpoq Pisortaanerup sulinngiffeqarnerani suliartoqqinnissaatalu tungaanut Peroriartortitsinermut Ingerlatsivimmi pisortaq Hans Eriksen Pisortaanertut atuukkallalissasoq.
Ilanngullugu aamma aalajangerneqarpoq Pisortaanerup Sivso Dorph-ip soraarninngortussanngornera tunngavigalugu Avannaata Kommuniani Pisortaanertut atorfik qaammatini tulliuttuni inuttassarsiorneqalissasoq.
Hans Eriksen-ip pisortaanertut atuukkallarnerani Aka Grønvold Peroriartortitsinermut Ingerlatsivimmi pisortaagallartinneqassaaq.
