airplanebooksbriefcase business cogs cross election entertainment fish house law lockmedicalpeopleselfservices socialtax

Kommunip qanoq iliuuseqarnissaminut periarfissai killeqarput

6. juni 2019

Kommunip Uummannami illunit eqqarneqartartut inikillisarlugit naqittaallugit poortorlugillu misilissimavaa, illoqarfinnut ikuallaavilinnut nassiunneqarnissaat siunertaralugu, taamaalilluni eqqakkat uloriananngitsumik isumagineqarsinnaanngorlugit.

Misiliutitut ingerlatsineq tamanna iluatsippoq ima paasillugu, eqqakkat naqittaannissaat poortornissaallu ajornanngitsoq, kisianni ajoraluartumik Kommunip eqqakkanik nassiussuineq ajornartorsiutigaa. RAL-ip tunngaviusumik eqqakkanik tigooqqaarusunngilaq, umiarsuit nerisassanik aalisakkanillu, avammut tuniniagassanik assartuinermut ingerlatsivigigamigit. Taamaattoq misiliummik ingerlatsinissaq iluatsissimavoq, taamaalilluni ballet-sit 40-t angallaneqarsinnasimallutik.

Kommuni ukioq kingulleq upernaaq mannalu Namminersorlutik Oqartussanut eqqaavissuarmi mianersorluni nakkutigilluinnarlugulu ikuallaanissaminut immikkut akuersissummik qinnuteqartarsimavoq. Tamanna ima paasineqassaaq, eqqakkat annikitsukkuutaarlugit ikuallanneqartassasut, anori eqqarsaatigalugu pissutsit ajornartinngikkaangassuk, illoqarfiup tungaanut pujooqqunagu.

Ajoraluartumik Namminerorlutik Oqartussat Kommunip qinnuteqaatai itigatittarsimavai, eqakkallu Uummannami qaleriaarsimasut amerliartorput. Tamanna innuttaasunut ajoqutaavoq tipi niviukkallu pissutigalugit.

Pissutsit taamaannerat eqqakkat uninngaannartut annertusiartornerannut tunngatillugu immikkuullarippoq. Uummannami innuttaasut amerleriarnikuupput Nuugaatsiami ajunaarnersuaq pissutigslugu. Inissiat 40-t sanaartorneqarput, tamatumattaaq kinguneraa eqqakkat annertuseriarsimanerannik.

Kommuni qanoq iliuusissaaleqivoq, aammalu qanoq iliuusissat assut killeqarput. Kommunittaaq paasisinnaanngilaa, mianersorluni ikuallaasinnaaneq aqqutigineqarsinnaannginnersoq, taamaaliornerup imeqarniarnermik pissutsinut ajoqutaanavianngimmat.

Tamanna Kommunip kisimi akisussaaffiginngilaa. Isumaqarpunga, Namminersorlutik Oqartussat massakkut unammilligassatsinuut aaqqiiniarnermi peqataasariaqartoq. Massakkut ajornartorsiutaasumut aaqqiiniarnermi suleqatigiissinnaaneq iluatsinngippat, taava Kommunip, Kommunit akornanni aaqqiiniutissamik eqqakkat pillugit suliffeqarfimmik pilersitsinissaq upperinngilaa. Kommunip tamanna apeqquserpaa, paasinnisinnaaneq suleqatigiinnerlu toqqammaviusussaammata pitsaasumik suleqatigiissagaanni.

Inussiarnersumik inuulluaqqusillunga

Palle Jerimiassen
Borgmesteri