Avannaata Kommunia 2020-imi nutaamik takorluugaqalerpoq, “Piujuartitsinermik ineriartortitsineq ataatsimoorullugu” - tamatta tamanna pillugu kissaatiginnittugut erseqqissaaneruvoq - politikeriugutta, innuttaasuugutta, suliffeqarfiugutta aamma peqatigiiffinnik suliaqartuugutta – ataatsimoorussilluta Piujuaannartitsinerusumik ineriartortitsinissaq suliaqarfigitigu.
Piujuaannartitsineq naatsumik oqaatigalugu tassaavoq nukissatsinik akisussaaffilimmik iliuuseqarneq; tassunga atatillugu inunnut, pinngortitamut avatangiisimullu. Avannaata Kommuniata sulissutiginiarpaa kinguaariit inuiaqatigiit ullumi pitsaassusaat naapertorlugu imaluunniit suli pitsaanermik ingerlateqqinnissaat.
Kommunip suliassai iliuusissaalu uani paasisaqarfiginerullugit atuarsinnaavatit, taakku siunissaq piujuaannartisisoq anguniarnissaanut iluaqutaassapput aamma NP-t Nunarsuarmi anguniakkat tunaartaralugit piujuaannartitsisumik ineriartortitsineq angunissaannut aqqutissiuisuupput.
Apeqqutissaqaruit imaluunniit suleqatigiinnissamik isumassarsiaqaruit attavigisinnaavat Piujuaannartitsinissamik suliaqarfimmi immikkoortortarfik: piujuaa@avannaata.gl