airplanebooksbriefcase business cogs cross election entertainment fish house law lockmedicalpeopleselfservices socialtax

Utoqqalinersiat 

Piumasaqaatit 

Utoqqalinersiaqassaguit:

  • 67-inik ukioqalereersimasariaqarputit
  • danskit naalagaaffianni innuttaasutut nalunaarsorsimasariaqarputit imaluunniit qinnuteqarneq sioqqullugu sivikinnerpaamik ukiuni pingasuni Kalaallit Nunaani aalajangersimasumik najugaqarsimasuusariaqarlutit.
  • Naalagaaffeqatigiit iluanni (Danmark, Kalaallit Nunaat aamma Savalimmiut) ikinnerpaamik ukiuni pingasuni nalunaarsukkamik, 15-inik ukioqalernermit utoqqalinermilu ukiorisavit akornanni najugaqarsimassaatit.

Una tooruk utoqqalinersiat pillugit paasisaqarnerusukkuit

Siusissukkut utoqqalinersiaqalerniaruit:
  • 65-inik ukioqalereersimasariaqarputit, 67-inillu ukioqalersimanak.
  • sulisinnaajunnaarsimasariaqarputit, sivikinnerpaamillu ukiuni 35-ini atasuinnarmik atorfeqarsimasariaqarlutit
  • ukiuni 35-ni sulisimanerit timikkut tarnikkullu oqimaatsumik sulisimanermut attuumassuteqassaaq.
  • suliffeqarfinni suli sulisuusariaqassaatit.

Una tooruk siusissumik utoqqalinersiat pillugit paasisaqarnerorusukkuit

 

Akigititat 

Akigitinneqartut ukiumoortumik 1. januar iluarsiiffigineqartarput.

2021-mut akigitinneqartut ima isikkoqarput:

  • Tamanut tunngaviusumik utoqqalinersiat ukiumut 64.239,00 kr.-upput.

  • Kisermaanut utoqqalinersiaqarnermi tapeq ukiumoortoq 79.683,00 kr.-uvoq.

  • Utoqqalinersialimmut inummik utoqqalinersiaqarsinnaatitaanngitsumik inooqatilimmut tunngatillugu inooqatigiit ataatsimut maannakkut aningaasarsiaat 300.000 kr.-nit ikinneruppata utoqqalinersianut tapeq tassaavoq: 79.683,00 kr.

  • Utoqqalinersialimmik inooqatilimmut utoqqalinersianut tapeq ukiumoortoq tassaavoq 44.292,00 kr.

Utoqqalinersianik ikilisitsiartuaarneq
Utoqqalinersiavit saniatigut aningaasarsiorsinnaavutit.

Taamaakkaluartoq utoqqalinersiatit ikilisinneqassappata atorunnaavissappataluunniit ukiumut qanoq isertitaqarsinnaaninnut killiffimmik aalajangersaasoqarnikuuvoq.

Ikilisitsiartuaarneq aallartissaaq:
  • tunngaviusumik utoqqalinersiat 383.666 kr.-iulersimappata. Tunngaviusumik utoqqalinersiat atorunnaavissapput 544.263 kr.-ninik sinnerlugilluunniit isertitaqarsimaguit.

  • utoqqalinersialimmut katissimallugu aapparisarisamut/inooqatigisamut pensionisiaqarsinnaatitaanngitsumut 183.000 kr.-ninik tapeqartoqarsimatillugu. Inooqatigiit ataatsimut aningaasarsiaat 300.000 kr.-nit ataassimatillugit. Utoqqalinersianut tapeq atorunnaavissaaq illit katissimallugulu aapparisat/inooqatigisallu 300.000 kr.-ninik isertitaqarsimagussi.

  • utoqqalinersialinnut katissimallugu aappalinnut/inooqatilinnut utoqqalinersianut tapit 183.000 kr.-nit. Utoqqalinersianut tapeq atorunnaavissaaq illit katissimallugulu aapparisat/inooqatigisallu 384.327 kr.-ninik amerlanerusunilluunniit isertitaqarsimagussi.

  • Kisermaanut utoqqalinersianut tapeq 156.000 kr.-it. Utoqqalinersianut tapeq atorunnaavissaaq 383.666 kr.-ninik amerlanerusunilluunniit isertitaqarsimaguit.

 

Qinnuteqarneq 

Qinnuteqarnivit kingorna qaammammi ulloq siulleq aallartiffigalugu utoqqalinersiutitit tunniunneqarsinnaapput, utoqqalinersianut tigusisarnissamut piumasaqaatit naammassisimagukkit.

Immersuiffissat marluk immersussavatit, taakkulu kommunerisavit nittartagaani nassaarisinnaavatit imaluunniit kommunimi innuttaasunut sullissivimmut saaffiginnillutit pissarsiarisinnaallugit.

 

Suliamut ingerlatseriaaseq 

Qinnuteqaat eqqortumik immersorsimagukku, uppernarsaatissallu pisariaqartinneqartut ilanngussimallugit, ulluinnaat qulit iluanni akissutisinissat naatsorsuutigissavat.

Qinnuteqarnivit kingorna qaammammi ulloq siulleq aallartiffigalugu utoqqalinersiutitit tunniunneqarsinnaapput, utoqqalinersianut tigusisarnissamut piumasaqaatit naammassisimagukkit.

 

Maalaaruteqarneq 

Kommunalbestyrelsimit aalajangiinerit Isumaginninnermi Naammagittaalliuuteqartarfimmut naammagittaalliuutigisinnaavatit.

Kommunimit aalajangiunneqartunut imaattunut naammagittaalliorsinnaavutit:

  • Utoqqalinersiat tunniunneqarnerannut aqunneqarnerannullu
  • Utoqqalinersianut itigartitsissutinut
  • Tapeqartitsinissap itigartitsissutigineqarneranut

Maalaaruteqarniaruit una tooruk

 

Aamma atuarsinnaasatit

Isumaginninnermut, Ilaqutariinnut, Sulisoqarnermut Nunamullu Namminermut Naalakkersuisoqarfik
Imaneq 1A, 701
Postboks 970
3900 Nuuk

Oqarasuaat: (+299) 345000
E-mail: ISN@nanoq.gl