Kalaallit Nunaata imartaani paasissutissanik amerlanerusunik pissarsiniarnermi aningaasarsiutigalugulu aalisarnernik nutaanik periarfissarsiorniarnermi misileraalluni aalisarnerit aallarnisarneqartarput.   Tamanna pisarpoq sumiiffiit nutaarluinnaat misissornerisigut, sumiiffinni aalisarfigineqariinngitsuni uumasoqatigiiaat ilisimaneqareersut misissuiffigineqarnerisigut, uumasoqatigiiaat pisassiissutaasanngitsut misissorneqarnerisigut, aalisarnermi atortuutit nutaat atorneqartarnerisa misilerarneqarnerisigut imaluunniit ilisimaneqareersumik aalisarnermi aalisariaatsinik nutaanik misileraanermi. Inuiaqatigiinni kalaallini siuarsaaniarluni nunatsinni aalisarnermi periarfissat suliffissallu amerlanerusut pilersinniarlugit aningaasarsiornermillu annertusaaniarnermi aalisarnermik periarfissat nutaat misissortuarnissaat pingaaruteqarpoq.

Misileraalluni aalisarnerit sinerissap qanittuani avataaniluunniit ingerlanneqarsinnaapput, siunertaassaarli minnerpaamik uku arlaasa ingerlanneqarnissaat:

• Uumasoqatigiiaat ilisimasaqarfiunngitsut pisassiissutaasanngitsullu misissuiffigineqarnissaat
• Sumiiffiit ilisimasaqarfiunngitsut imaluunniit uumasoqatigiiaat aalajangersimasut ilisimasaqarfiunngitsut misissuiffigineqarnissaat
• Aalisarnermi periaatsit imaluunniit aalisarnermi atortut nutaat misilerarneqarsinnaapput.

Ukiut tamaasa Naalakkersuisut misileraalluni aalisarnernik arlaqartunik pilersitsisarput, Nunatsinnilu aalisarnerup ineriartortinneqarnissaa siunertaasarpoq.   Misileraalluni aalisarnissat tamakku tusagassiorfinnut nalunaarutitigut tamanut saqqummiunneqartarput, taakkunanilu takuneqarsinnaasarpoq qinnuteqarnissamut piffissarititaasoq, kiisalu misileraalluni aalisarnissanut assigiinngitsunut tunngavissat suut atuuttuunersut.   Misileraalluni aalisarnissamut siunnersuutissaqaruit Aalisarnermut Piniarnermullu Naalakkersuisoqarfimmut saaffiginnissinnaavutit.

Tamatuma saniatigut nammineq kissaatigisaq malillugu misileraalluni aalisarnissamik pilersitsinissamut ukioq kaajallallugu qinnuteqartoqarsinnaavoq.  Tamatumani qinnuteqarnermi misileraalluni aalisarnissamik kissaatigisaq allallugu nassuiaatigineqassaaq, kiisalu qanoq piffissalersuisoqarniarnersoq aamma angallat pillugu paasissutissat ilanngunneqassallutik.

Misileraalluni aalisarnissamut aalisarsinnaanermik akuersissummik pissarsiniaruit, taava misileraalluni aalisarnissamut akuersissummik qinnuteqarsinnaanissannut piumasaqaatit uku naammassisariaqassavatit:

• Inuussutissarsiutigalugu aalisartuussaatit, imaluunniit kalaallit piginneqatigiillutik umiarsuaatileqatigiiffiani piginneqataassaatit, imaluunniit pineqartoq kalaallit ingerlatseqatigiiffigissavaat
• Ingerlatseqatigiiffik aktiaateqarluni ingerlatseqatigiiffiussaaq, piginneqataassuteqarfiulluni ingerlatseqatigiiffiussaaq, piginneqatigiiffiussaaq imaluunniit piginneqatigiilluni umiarsuaatileqatigiiffiussalluni
• Ingerlatseqatigiiffiup aningaasaataasa minnerpaamik 2/3-lii inunnit ataasiakkaanit toqqaannartumik imaluunniit toqqaannanngitsumik pigineqassapput, taannalu
  o  kalaallinut inuiaqatigiinnut aalajangersimasumik attuumassuteqassaaq,
  o  Kalaallit Nunaanni inuit nalunaarsorsimaffianni nalunaarsorneqarsimassaaq, ukiullu siuliini marlunni Kalaallit Nunaanni inuit nalunaarsorsimaffianni nalunaarsorsimalluni,
  o  qinnuteqartoq Kalaallit Nunaanni tamakkiisumik akileraartartuusaaq, ukiullu siuliini marlunni Kalaallit Nunaanni akileraartartuusimassalluni.

Nalunaarsuinissaq pillugu piumasaqaatit
Misileraalluni aalisarnerup ingerlanneqarnera pillugu nalunaarsuisarnissamik nalilersuisarnissamillu piumasaqaateqartoqarpoq. Misileraalluni aalisarsinnaanermut akuersissummik pissarsiguit, taaneqartutut nalunaarsuisarnissaq kiisalu nalilersuinissamut immersugassap immersorneqarnissaa pingaaruteqarpoq, taannalu kingulleq aalisarnerup naammassiartuaalernerani nassiunneqartassaaq.
Misiligutissanik Pinngortitaleriffiup misissugassaanik tigusisarnissaq piumasaqaataasinnaavortaaq. Tamanna akuersissummi takuneqarsinnaassaaq.

Aalisarnermut atortuutit pillugit piumasaqaatit:

• Aalisarnermut atortuutit piginnittup aqqanik aamma/imaluunniit angallatip taaguutaanik ersarissumik ilisarnaaserneqarsimassapput. Ilisarnaatit imermit arrortinneqarsinnaassanngillat.
• Aalisarnermut atortuutit tamarmik atorneqareernermikkut peerneqartarnissaat nammineerlutit akisussaaffigaat. Aalisarnermut atortuutit nalunaaquttap akunneri 24-t ingerlaneranni qaqissinnaassanngikkukkit tamanna KANUAANA-mut nalunaarutigissavat. Tunngaviusumik killeqarfimmit 3 sømilit iluanni atortuutitit annaasimagukkit tamanna aamma kommunimut nalunaarutigissavat.

Misileraalluni aalisarsinnaanermut akuersissutit pillugit qinnuteqassaguit nammineerluni immersuinissamut toortagaq sungaartoq "Ugguuna qinnuteqarit" quppernermi uani qullerpaamiittoq atorlugu qarasaasiakkut qinnuteqarsinnaavutit. Immersuiffissaq qarasaasiakkut immersorniarukku nassiunniarukkulu "Immersoruk nassiullugulu" toqqaruk (NemID piumasaqaataanngilaq).

Misileraalluni aalisarnissat Naalakkersuisuni  pilersinneqartut arlaannut akuersissummik qinnuteqarniaruit qinnuteqarnermut immersugassaq immersussavat, ukulu ilanngussatut kakkiullugit:

• Piginnittuunermut uppernarsaat
• Nunami sorlermi najugaqarnermut uppernarsaat, tassanilu uppernarsarneqarsimassaaq angallatit Kalaallit Nunaanneersuusoq, ilinnillu pigineqartoq
• Angallatip uuttuutaanut uppernarsaat, tassani angallatip angissusaa uppernarsarneqassaaq
• Angallatip qalipaatilimmik digitali atorlugu assilineqarnera
• Attartornissamut isumaqatigiissut (angallat ilinnit pigineqarsimassanngippat)

Nammineq kissaatigisat malillugu misileraalluni aalisarnissamik nutaamik pilersitsinissaq pillugu qinnuteqarniaruit, qinnuteqaatinni oqaasertaliussatut imaluunniit ilanngussatut paasissutissat tullinnguuttut uku kakkiutissavatit: 

• Aalisarnissamik pilersaarut, tassanilu aalisarneq qanoq ingerlanniarnerlugu pilersaarutitit allaaseralugit nassuiaassaatit
• Sooq misileraallutit aalisarniarnerlutit, aamma sooq aalisarneq pisariaqarnersoq
• Missingersuutit aammalu tapiiffigineqarnissamut qinnuteqarnersutit
  

Ilanngunneqassapput imm. 4-p ataani, immikkut oqaaseqaatit , imaluunniit imm. 5-imut ilanngussatut.

Apeqqutissaqaruit imaluunniit qinnuteqaammut ikiorneqartariaqassaguit KNAPK imal. kommunerisat attavigisinnaavat.

Misileraalluni aalisarnermut akuersissut pillugu qinnuteqarniaruit "Ugguuna qinnuteqarit" quppernermi matumani qullerpaamiittoq atorlugu toortakkap sungaartup toorneratigut qinnuteqarsinnaavutit.
Immersuiffissaq Sullissivimmiittoq immersorniarukku saqqummersinniarukkulu "Immersoruk saqqummersillugulu" toqqassavat (NemID-qarnissaq pisariaqanngilaq).

Qinnuteqaat ilanngussassallu attuumassutillit e-mailikkut Aalisarnermut Piniarnermullu Naalakkersuisoqarfimmut nassiunneqassapput imaluunniit kommunerisannut tunniunneqarsinnaallutik.

Misileraalluni aalisarnissat Naalakkersuisunit pilersinneqartut arlaannut akuersissummik qinnuteqarniaruit, qinnuteqarnermut immersugassaq immersussavat, ukulu ilanngussatut kakkiullugit:

• Piginnittuunermut uppernarsaat
• Nunami sorlermi najugaqarnermut uppernarsaat, tassanilu uppernarsarneqarsimassaaq angallatit Kalaallit Nunaanneersuusoq, ilinnillu pigineqartoq
• Angallatip uuttuutaanut uppernarsaat, tassani angallatip angissusaa uppernarsarneqassaaq
• Angallatip qalipaatilimmik digitali atorlugu assilineqarnera
• Attartornissamut isumaqatigiissut (angallat ilinnit pigineqarsimassanngippat)

Nammineq kissaatigisat malillugu misileraalluni aalisarnissamik nutaamik pilersitsinissaq pillugu qinnuteqarniaruit qinnuteqaatinni oqaasertaliussatut imaluunniit ilanngussatut paasissutissat tullinnguuttut uku kakkiutissavatit: 

• Aalisarnissamik pilersaarut, tassanilu allaaseralugu nassuiarneqassaaq aalisarneq qanoq ingerlanniarnerlugu pilersaaruteqarnerlutit
• Sooq misileraallutit aalisarniarnerlutit, aamma sooq aalisarneq pisariaqarnersoq
• Missingersuutit aammalu tapiiffigineqarnissamut qinnuteqarnersutit

Ilanngunneqassapput imm. 4-p ataani, immikkut oqaaseqaatit , imaluunniit imm. 5-imut ilanngussatut.

Apeqqutissaqaruit imaluunniit qinnuteqaammut ikiorneqartariaqassaguit KNAPK imal. kommunerisat attavigisinnaavat.

Qinnuteqaatit nassiutereerukku aalisarsinnaanermut akuersissummik suliaqarneq aallartissaaq.

Sullissivik aqqutigalugu qinnuteqaatit nassiussimagukku (immersoruk nassiullugulu) qinnuteqaatit Aalisarnermut Piniarnermullu Naalakkersuisoqarfimmut toqqaannartumik nassiunneqassaaq, tassanilu qinnuteqaatit suliarineqassaaq. Qinnuteqaativit tigusimaneranut tunngatillugu uppernarsaammik mailikkut tigusaqarumaarputit.

Immersuiffissaq sullissivik.gl aqqutigalugu immersorsimagukku, tamatumalu kingorna qinnuteqarfissaq (immersoruk anisillugulu) anisikkukku, qinnuteqaatit Aalisarnermut Piniarnermullu Naalakkersuisoqarfimmut e-mail-kut  nassiunnissaa imaluunniit illit kommunerisarnut nammineerlutit tunniunnissaa akisussaaffigissavat. Tamatuma kingorna qinnuteqaatigisat Aalisarnermut Piniarnermullu Naalakkersuisoqarfimmiit suliarineqassaaq.

Taakku marlut pineqartillugit qinnuteqaat Aalisarnermut Immikkoortortaqarfimmi sulianik suliarinnittartumut attuumassutilimmut tunniunneqassaaq.

Qinnuteqaativit suliarisinnaanissaanut Naalakkersuisoqarfik paasissutissanik amerlanerusunik ilinnit pisariaqartitsiguni attavigineqarumaarputit.

Misileraalluni aalisarnerit Naalakkersuisunit pilersitat immikkut pineqartillugit

• Qinnuteqaatit aatsaat suliarineqassapput qinnuteqarnissamut piffissarititaasup qaangiutereernerani.
• Qinnuteqaatit tamarmik qinnuteqarnermut piffissarititaasup qaangiutinnginnerani tiguneqarnikuusut Naalakkersuisoqarfimmit suliarineqartarput.
• Ileqquusutut qinnuteqarnissamut piffissarititaasup sapatit akunneri sisamat qaangiutereernerani qinnuteqaatinnut akissummik tigusaqassaatit.

Misileraalluni aalisarnerit nutaat immikkut pineqartillugit

• Siunnersuut minnerpaamik Naalakkersuisoqarfimmiit Pinngortitaleriffimmiillu nalilersorneqassaaq.
• Qinnuteqaat peqatigisanut attuumassuteqartunut tusarniaassutigineqassaaq.
• Misileraalluni aalisarsinnaaneq misileraalluni aalisarnermut tunngaviusumik piumasaqaatit naammassineqarsimanersut nalilersorneqassaaq. Immami avatangiisit immamilu isumalluutinik allanik atuinerup ajortumik sunnerneqaratarsimanerat nalilerneqassaartaaq.
• Misileraalluni aalisarnerup akuerineqarsinnaanera pillugu Naalakkersuisut inaarutaasumik aalajangiissapput.
• Ileqquusutut qinnuteqarnissamut piffissarititaasup sapaatip akunnerit arfinillit qaangiutereernerani pisarnertut qinnuteqaatinnut akissummik tigusaqassaatit.

Qinnuteqaatigisat akuerineqarsimanersoq itigartitsissutigineqarsimanersorluunniit maili nassiussiffigisat aqqutigalugu akineqarumaarputit.

Aalisarsinnaanermut akuersissummi massakkut pigisanni paasissutissanik allanngortoqarsimappat, Aalisarnermut Piniarnermullu Naalakkersuisoqarfimmut tamatuma paasissutissiissutiginissaanik pisussaaffeqarputit. Assersuutaasinnaapput ingerlatseqatigiiffiutit angallataatilluunniit pillugit allannguinerit.

Allannguutit tiguneqariarpata nutaamik akuersissummik tunineqassaatit, tassanilu paasissutissat nutaat ilaatinneqassapput.

Inuussutissarsiutigalugu aalisartutut paasissutissat eqqortut tunngavigalugit aalisarnermik ingerlatannut akuersissummik atuuttumik peqarnissat illit akisussaaffigivat.

Misileraalluni aalisarnerit Naalakkersuisunit pilersinneqartut Naalakkersuisut.gl atorlugu tamanut saqqummiunneqassapput, peqatigisaanillu qinnuteqarnissamut piffissarititaasoq takuneqarsinnaassaaq.  Tamanna nalinginnaasumik ukiup aallartinnerani pisassaaq.

Misileraalluni aalisarniarnerit nutaat pilersinniarlugit ukioq tamaat qinnuteqarsinnaaneq periarfissaavoq.

Aalisarnermut Piniarnermullu Naalakkersuisoqarfiup aalajangiinerta maalaarutigineqarsinnaanera periarfissaanngilaq.

Kalaallit Nunaata imartaani paasissutissanik amerlanerusunik pissarsiniarnermi aningaasarsiutigalugulu aalisarnernik nutaanik periarfissarsiorniarnermi misileraalluni aalisarnerit aallarnisarneqartarput.   Tamanna pisarpoq sumiiffiit nutaarluinnaat misissornerisigut, sumiiffinni aalisarfigineqariinngitsuni uumasoqatigiiaat ilisimaneqareersut misissuiffigineqarnerisigut, uumasoqatigiiaat pisassiissutaasanngitsut misissorneqarnerisigut, aalisarnermi atortuutit nutaat atorneqartarnerisa misilerarneqarnerisigut imaluunniit ilisimaneqareersumik aalisarnermi aalisariaatsinik nutaanik misileraanermi. Inuiaqatigiinni kalaallini siuarsaaniarluni nunatsinni aalisarnermi periarfissat suliffissallu amerlanerusut pilersinniarlugit aningaasarsiornermillu annertusaaniarnermi aalisarnermik periarfissat nutaat misissortuarnissaat pingaaruteqarpoq.

Misileraalluni aalisarnerit sinerissap qanittuani avataaniluunniit ingerlanneqarsinnaapput, siunertaassaarli minnerpaamik uku arlaasa ingerlanneqarnissaat:

• Uumasoqatigiiaat ilisimasaqarfiunngitsut pisassiissutaasanngitsullu misissuiffigineqarnissaat
• Sumiiffiit ilisimasaqarfiunngitsut imaluunniit uumasoqatigiiaat aalajangersimasut ilisimasaqarfiunngitsut misissuiffigineqarnissaat
• Aalisarnermi periaatsit imaluunniit aalisarnermi atortut nutaat misilerarneqarsinnaapput.

Ukiut tamaasa Naalakkersuisut misileraalluni aalisarnernik arlaqartunik pilersitsisarput, Nunatsinnilu aalisarnerup ineriartortinneqarnissaa siunertaasarpoq.   Misileraalluni aalisarnissat tamakku tusagassiorfinnut nalunaarutitigut tamanut saqqummiunneqartarput, taakkunanilu takuneqarsinnaasarpoq qinnuteqarnissamut piffissarititaasoq, kiisalu misileraalluni aalisarnissanut assigiinngitsunut tunngavissat suut atuuttuunersut.   Misileraalluni aalisarnissamut siunnersuutissaqaruit Aalisarnermut Piniarnermullu Naalakkersuisoqarfimmut saaffiginnissinnaavutit.

Tamatuma saniatigut nammineq kissaatigisaq malillugu misileraalluni aalisarnissamik pilersitsinissamut ukioq kaajallallugu qinnuteqartoqarsinnaavoq.  Tamatumani qinnuteqarnermi misileraalluni aalisarnissamik kissaatigisaq allallugu nassuiaatigineqassaaq, kiisalu qanoq piffissalersuisoqarniarnersoq aamma angallat pillugu paasissutissat ilanngunneqassallutik.

Misileraalluni aalisarnissamut aalisarsinnaanermik akuersissummik pissarsiniaruit, taava misileraalluni aalisarnissamut akuersissummik qinnuteqarsinnaanissannut piumasaqaatit uku naammassisariaqassavatit:

• Inuussutissarsiutigalugu aalisartuussaatit, imaluunniit kalaallit piginneqatigiillutik umiarsuaatileqatigiiffiani piginneqataassaatit, imaluunniit pineqartoq kalaallit ingerlatseqatigiiffigissavaat
• Ingerlatseqatigiiffik aktiaateqarluni ingerlatseqatigiiffiussaaq, piginneqataassuteqarfiulluni ingerlatseqatigiiffiussaaq, piginneqatigiiffiussaaq imaluunniit piginneqatigiilluni umiarsuaatileqatigiiffiussalluni
• Ingerlatseqatigiiffiup aningaasaataasa minnerpaamik 2/3-lii inunnit ataasiakkaanit toqqaannartumik imaluunniit toqqaannanngitsumik pigineqassapput, taannalu
  o  kalaallinut inuiaqatigiinnut aalajangersimasumik attuumassuteqassaaq,
  o  Kalaallit Nunaanni inuit nalunaarsorsimaffianni nalunaarsorneqarsimassaaq, ukiullu siuliini marlunni Kalaallit Nunaanni inuit nalunaarsorsimaffianni nalunaarsorsimalluni,
  o  qinnuteqartoq Kalaallit Nunaanni tamakkiisumik akileraartartuusaaq, ukiullu siuliini marlunni Kalaallit Nunaanni akileraartartuusimassalluni.

Nalunaarsuinissaq pillugu piumasaqaatit
Misileraalluni aalisarnerup ingerlanneqarnera pillugu nalunaarsuisarnissamik nalilersuisarnissamillu piumasaqaateqartoqarpoq. Misileraalluni aalisarsinnaanermut akuersissummik pissarsiguit, taaneqartutut nalunaarsuisarnissaq kiisalu nalilersuinissamut immersugassap immersorneqarnissaa pingaaruteqarpoq, taannalu kingulleq aalisarnerup naammassiartuaalernerani nassiunneqartassaaq.
Misiligutissanik Pinngortitaleriffiup misissugassaanik tigusisarnissaq piumasaqaataasinnaavortaaq. Tamanna akuersissummi takuneqarsinnaassaaq.

Aalisarnermut atortuutit pillugit piumasaqaatit:

• Aalisarnermut atortuutit piginnittup aqqanik aamma/imaluunniit angallatip taaguutaanik ersarissumik ilisarnaaserneqarsimassapput. Ilisarnaatit imermit arrortinneqarsinnaassanngillat.
• Aalisarnermut atortuutit tamarmik atorneqareernermikkut peerneqartarnissaat nammineerlutit akisussaaffigaat. Aalisarnermut atortuutit nalunaaquttap akunneri 24-t ingerlaneranni qaqissinnaassanngikkukkit tamanna KANUAANA-mut nalunaarutigissavat. Tunngaviusumik killeqarfimmit 3 sømilit iluanni atortuutitit annaasimagukkit tamanna aamma kommunimut nalunaarutigissavat.

Misileraalluni aalisarsinnaanermut akuersissutit pillugit qinnuteqassaguit nammineerluni immersuinissamut toortagaq sungaartoq "Ugguuna qinnuteqarit" quppernermi uani qullerpaamiittoq atorlugu qarasaasiakkut qinnuteqarsinnaavutit. Immersuiffissaq qarasaasiakkut immersorniarukku nassiunniarukkulu "Immersoruk nassiullugulu" toqqaruk (NemID piumasaqaataanngilaq).

Misileraalluni aalisarnissat Naalakkersuisuni  pilersinneqartut arlaannut akuersissummik qinnuteqarniaruit qinnuteqarnermut immersugassaq immersussavat, ukulu ilanngussatut kakkiullugit:

• Piginnittuunermut uppernarsaat
• Nunami sorlermi najugaqarnermut uppernarsaat, tassanilu uppernarsarneqarsimassaaq angallatit Kalaallit Nunaanneersuusoq, ilinnillu pigineqartoq
• Angallatip uuttuutaanut uppernarsaat, tassani angallatip angissusaa uppernarsarneqassaaq
• Angallatip qalipaatilimmik digitali atorlugu assilineqarnera
• Attartornissamut isumaqatigiissut (angallat ilinnit pigineqarsimassanngippat)

Nammineq kissaatigisat malillugu misileraalluni aalisarnissamik nutaamik pilersitsinissaq pillugu qinnuteqarniaruit, qinnuteqaatinni oqaasertaliussatut imaluunniit ilanngussatut paasissutissat tullinnguuttut uku kakkiutissavatit: 

• Aalisarnissamik pilersaarut, tassanilu aalisarneq qanoq ingerlanniarnerlugu pilersaarutitit allaaseralugit nassuiaassaatit
• Sooq misileraallutit aalisarniarnerlutit, aamma sooq aalisarneq pisariaqarnersoq
• Missingersuutit aammalu tapiiffigineqarnissamut qinnuteqarnersutit
  

Ilanngunneqassapput imm. 4-p ataani, immikkut oqaaseqaatit , imaluunniit imm. 5-imut ilanngussatut.

Apeqqutissaqaruit imaluunniit qinnuteqaammut ikiorneqartariaqassaguit KNAPK imal. kommunerisat attavigisinnaavat.

Misileraalluni aalisarnermut akuersissut pillugu qinnuteqarniaruit "Ugguuna qinnuteqarit" quppernermi matumani qullerpaamiittoq atorlugu toortakkap sungaartup toorneratigut qinnuteqarsinnaavutit.
Immersuiffissaq Sullissivimmiittoq immersorniarukku saqqummersinniarukkulu "Immersoruk saqqummersillugulu" toqqassavat (NemID-qarnissaq pisariaqanngilaq).

Qinnuteqaat ilanngussassallu attuumassutillit e-mailikkut Aalisarnermut Piniarnermullu Naalakkersuisoqarfimmut nassiunneqassapput imaluunniit kommunerisannut tunniunneqarsinnaallutik.

Misileraalluni aalisarnissat Naalakkersuisunit pilersinneqartut arlaannut akuersissummik qinnuteqarniaruit, qinnuteqarnermut immersugassaq immersussavat, ukulu ilanngussatut kakkiullugit:

• Piginnittuunermut uppernarsaat
• Nunami sorlermi najugaqarnermut uppernarsaat, tassanilu uppernarsarneqarsimassaaq angallatit Kalaallit Nunaanneersuusoq, ilinnillu pigineqartoq
• Angallatip uuttuutaanut uppernarsaat, tassani angallatip angissusaa uppernarsarneqassaaq
• Angallatip qalipaatilimmik digitali atorlugu assilineqarnera
• Attartornissamut isumaqatigiissut (angallat ilinnit pigineqarsimassanngippat)

Nammineq kissaatigisat malillugu misileraalluni aalisarnissamik nutaamik pilersitsinissaq pillugu qinnuteqarniaruit qinnuteqaatinni oqaasertaliussatut imaluunniit ilanngussatut paasissutissat tullinnguuttut uku kakkiutissavatit: 

• Aalisarnissamik pilersaarut, tassanilu allaaseralugu nassuiarneqassaaq aalisarneq qanoq ingerlanniarnerlugu pilersaaruteqarnerlutit
• Sooq misileraallutit aalisarniarnerlutit, aamma sooq aalisarneq pisariaqarnersoq
• Missingersuutit aammalu tapiiffigineqarnissamut qinnuteqarnersutit

Ilanngunneqassapput imm. 4-p ataani, immikkut oqaaseqaatit , imaluunniit imm. 5-imut ilanngussatut.

Apeqqutissaqaruit imaluunniit qinnuteqaammut ikiorneqartariaqassaguit KNAPK imal. kommunerisat attavigisinnaavat.

Qinnuteqaatit nassiutereerukku aalisarsinnaanermut akuersissummik suliaqarneq aallartissaaq.

Sullissivik aqqutigalugu qinnuteqaatit nassiussimagukku (immersoruk nassiullugulu) qinnuteqaatit Aalisarnermut Piniarnermullu Naalakkersuisoqarfimmut toqqaannartumik nassiunneqassaaq, tassanilu qinnuteqaatit suliarineqassaaq. Qinnuteqaativit tigusimaneranut tunngatillugu uppernarsaammik mailikkut tigusaqarumaarputit.

Immersuiffissaq sullissivik.gl aqqutigalugu immersorsimagukku, tamatumalu kingorna qinnuteqarfissaq (immersoruk anisillugulu) anisikkukku, qinnuteqaatit Aalisarnermut Piniarnermullu Naalakkersuisoqarfimmut e-mail-kut  nassiunnissaa imaluunniit illit kommunerisarnut nammineerlutit tunniunnissaa akisussaaffigissavat. Tamatuma kingorna qinnuteqaatigisat Aalisarnermut Piniarnermullu Naalakkersuisoqarfimmiit suliarineqassaaq.

Taakku marlut pineqartillugit qinnuteqaat Aalisarnermut Immikkoortortaqarfimmi sulianik suliarinnittartumut attuumassutilimmut tunniunneqassaaq.

Qinnuteqaativit suliarisinnaanissaanut Naalakkersuisoqarfik paasissutissanik amerlanerusunik ilinnit pisariaqartitsiguni attavigineqarumaarputit.

Misileraalluni aalisarnerit Naalakkersuisunit pilersitat immikkut pineqartillugit

• Qinnuteqaatit aatsaat suliarineqassapput qinnuteqarnissamut piffissarititaasup qaangiutereernerani.
• Qinnuteqaatit tamarmik qinnuteqarnermut piffissarititaasup qaangiutinnginnerani tiguneqarnikuusut Naalakkersuisoqarfimmit suliarineqartarput.
• Ileqquusutut qinnuteqarnissamut piffissarititaasup sapatit akunneri sisamat qaangiutereernerani qinnuteqaatinnut akissummik tigusaqassaatit.

Misileraalluni aalisarnerit nutaat immikkut pineqartillugit

• Siunnersuut minnerpaamik Naalakkersuisoqarfimmiit Pinngortitaleriffimmiillu nalilersorneqassaaq.
• Qinnuteqaat peqatigisanut attuumassuteqartunut tusarniaassutigineqassaaq.
• Misileraalluni aalisarsinnaaneq misileraalluni aalisarnermut tunngaviusumik piumasaqaatit naammassineqarsimanersut nalilersorneqassaaq. Immami avatangiisit immamilu isumalluutinik allanik atuinerup ajortumik sunnerneqaratarsimanerat nalilerneqassaartaaq.
• Misileraalluni aalisarnerup akuerineqarsinnaanera pillugu Naalakkersuisut inaarutaasumik aalajangiissapput.
• Ileqquusutut qinnuteqarnissamut piffissarititaasup sapaatip akunnerit arfinillit qaangiutereernerani pisarnertut qinnuteqaatinnut akissummik tigusaqassaatit.

Qinnuteqaatigisat akuerineqarsimanersoq itigartitsissutigineqarsimanersorluunniit maili nassiussiffigisat aqqutigalugu akineqarumaarputit.

Aalisarsinnaanermut akuersissummi massakkut pigisanni paasissutissanik allanngortoqarsimappat, Aalisarnermut Piniarnermullu Naalakkersuisoqarfimmut tamatuma paasissutissiissutiginissaanik pisussaaffeqarputit. Assersuutaasinnaapput ingerlatseqatigiiffiutit angallataatilluunniit pillugit allannguinerit.

Allannguutit tiguneqariarpata nutaamik akuersissummik tunineqassaatit, tassanilu paasissutissat nutaat ilaatinneqassapput.

Inuussutissarsiutigalugu aalisartutut paasissutissat eqqortut tunngavigalugit aalisarnermik ingerlatannut akuersissummik atuuttumik peqarnissat illit akisussaaffigivat.

Misileraalluni aalisarnerit Naalakkersuisunit pilersinneqartut Naalakkersuisut.gl atorlugu tamanut saqqummiunneqassapput, peqatigisaanillu qinnuteqarnissamut piffissarititaasoq takuneqarsinnaassaaq.  Tamanna nalinginnaasumik ukiup aallartinnerani pisassaaq.

Misileraalluni aalisarniarnerit nutaat pilersinniarlugit ukioq tamaat qinnuteqarsinnaaneq periarfissaavoq.

Aalisarnermut Piniarnermullu Naalakkersuisoqarfiup aalajangiinerta maalaarutigineqarsinnaanera periarfissaanngilaq.