Uummannami aalisakkerivimmik, pilersaarutitut tunngaviusussap suliarineqarnissaa sioqqullugu, sanaartornissamut atatillugu suliniutissamut siunnersuutip saqqummiunneqarnissaa Kommunalbestyrelsip aalajangiunnikuuaa.
Una nalunaarutiginninneq Inatsisartut inatsisart nr. 34 9 december 2015 naapertorlugu suliarineqarpoq, tamannalu tunngaviusumik pilersaarusiorneq aallartitsinagu immikkoortortap ilaanut atuinissamik Kommunalbestyrelsimut periarfissiivoq.
Suliniut makkuninnga ilaqarpoq
Immikkoortortaq 1500-B03-mi ”Qeqertannguup eqqaani inuussutissarsiorfik”-mi aalisakkerivissaq inissinneqarnikuuvoq, tassani inuussutissarsiorfik aamma umiarsualiveqarfik inissisimapput. Aalisakkerivik 420m2-erisut annertussuseqarpoq 7,5 m-isullu portussuseqarluni. Aalisakkerivik, assimi saqqummiussatullu siunnersuummi ilanngunneqartumi takutinneqartutuut inissisimaffeqassaaq.
Suliniuteqarfissatut allat periarfissaasinnaasut:
Nalunaarutiginninnerup nalaani illit innuttaasutut aamma inuussutissarsiuteqartutut immikkoortortap ilaanut suliniuteqarnissamut allatut ittumik siunnersuummik nassiussaqarsinnaavutit soorlu aamma nalunaarutitut saqqummiunneqartumut aamma oqaaseqaateqarsinnaasutit.
Suliniuteqarnissamut siunnersuutit eqqarsaatigalugit nunaminertamik tunniussisoqartinnagu suliniuteqarnissamut siunnersuutit kiisalu oqaaseqaatit tiguneqarsimasut Kommunalbestyrelsimit suliarineqassapput. Tamatuma kingorna kommunimut pilersaarummut tapiliussamik suliaqartoqassaaq. Suliniutissatut siunnersuutinut allanut piumasaqaataasut tassaapput, aalisakkerivimmut atorneqassaasoq, inuussutissarsiuteqarfimmut umiarsualiveqarfimmullu nalinginnaasumik aalajangersakkat naapertorlugit.
Suliniuteqarnisamut siunnersuutaasinnaasut allat makkuninnga imaqassapput:
1. Sanaartorfissap inissiffianut, isikkuanut aamma sanaartornermi atortunut nassuiaasumik titartarlugu siunnersuuut.
2. Atorneqarnissaanut paasissutissat
3. Teknikkikkut atortunut paasissutissat.
4. Aningaasaqarnikkut paasissutissat qinnutigineqartup pivisunngortinnissaanut uppernarsaasuusut.
Piffisamut- aamma suliaqarnissanut pilersaarutit:
Ulloq 16.01.2018: nal. 12:00 allanik siunnersuutinik nassiussisoqarsinnaavoq oqaaseqaatinillu allanik.
Ulloq 27.02.2018: nal. 16:00 pilersinniakkanut siunnersuutinik oqaaseqaatinillu tigooraaneq matussaaq.
Ilitsersuut:
Siunnersorneqaqrneq aamma ilitsersorneqarneq Pilersaarusiornermut immikkoortortaqarfimmut saaffiginninnikkut pissarsiarineqarsinnaapput oqarasuaat: 947800 imaluunniit qarasaasiakkut allalluni uunga: plan@avannaata.gl.