airplanebooksbriefcase business cogs cross election entertainment fish house law lockmedicalpeopleselfservices socialtax

Tusagassiuutinut nalunaarut: Taarsiissutitut illut Namminersorlutik Oqartussat Avannaata Kommunianut tunniuppaat

Allattoq: Palle Jerimiassen (S), Avannaata Kommuniani borgmesteri
18. juli 2019
Kommunip Ajunaarnersuarmik Nuugaatsiamik Illorsuarnillu eqquilluni tsunameqarmat ukiut marluk qaangiupput. Nunaqarfinni taakkunani innuttaasut ajunnaarnersuup kingornatigut nunami sumiiffinnut najugaqarfiusunut nuunneqarput. Illunik najugariuagassanik ajunaarnersuarmit eqqugaasut iserfissaqassammata Namminersorlutik Oqartussat illuliornissaq aalajangiuppaat.

Namminersorlutik Oqartussat Avannaata Kommuniani illut makku sanaartorpaat:
- Uummannaq illut 31-t
- Ukkusissat illut pingasut
- Saattut illut marluk
- Ikerasak illut sisamat

- Katillugit illut 40-t

Suliarineri tamarmik, ilanngullugit suliassat piareersarlugit pilersaarusiugaaneri, sanaartornernik siulersuinerit aamma sanaartorfigissaaanerit koruunit 110 mio. missaannik naleqarput. Taakkunanit illut koruunit 89 mio. nalingaat. Illunut sanaqataaffiusunut taarsigassarsiat pillugit inatsisaasumik illut malittarisassaqarput. Namminersorlutik Oqartussat inissiaatinik aqutsineq ajorput, taamaattumillu illut siunertamut atorneqassappata iluarsiissutip nassaarinissaa pisariaqarpoq.

Illut Avannaata Kommunianut tunniunneqarnissaannik Namminersorlutik Oqartussat inassuteqarput, taamaalillutik inissiaatinik aqutsineq kommunikkoorsinnaassammat. Illunut tunniussinissamut allagaammik Namminersorlutik Oqartussat suliaqarsimapput.

Avannaata Kommuniani Aningaasaqarnermut Ataatsimiititaliap illut tigunissaat aalajangiussimavaat. Illunit taakkunanit 40-nit siulliit marluk tallimanngorneq 19. juli iserfigineqarnissaminnut piareersimassasut naatsorsuutigineqarpoq. Illut tamarmik ukiamut piareereernissaat pilersaarutaavoq.

Borgmester Avannaata Kommuniani suliaq pillungu oqaaseqarpoq: ”Ineqarneq toqqissisimasumik inuuneqarnissamut toqqammaviuvoq, taamaattumik nuannaarutingaara illut kommunalbestyrelse sinnerlungu ajunaarnersuarmi eqqorneqarsimasunut tunniussinnaangakkit”.
Inussiarnersumik inuulluaqqusillunga

Palle Jerimiassen
Borgmesteri
paj@avannaata.gl
Tlf. 00299565981