airplanebooksbriefcase business cogs cross election entertainment fish house law lockmedicalpeopleselfservices socialtax

Ilulissani sumiiffiit ilaat A31 pillugu tusarniaaneq sivitsorneqartoq

Avannaata Kommuniani aalajangerneqarpoq sumiiffiit ilaanni A31-mi inissiliornissamut suliniuteqarnissamik qinnuteqaasiornissamut tusarniaaneq – suliniuteqarnissamik qinnuteqaasiornermit siullermit sanaartorfissamik ataatsimik annertunerusoq - ullunik 14-inik sivitsorneqassasoq.
25. februar 2020
Matumuuna Avannaata Kommuniata tamanut ussassaarutigaa inissialiornissamut suliniutitut siunnersuut sumiiffik 1200-A31-mi, inissiaqarfik Mittarfimmut Aqqutaa-niittumi. Avannaata Kommunia aalajangerpoq tusarniaanermut piffissaliussaq sivitsorniarlugu suliniutit qinnuteqaammut ulluni 14-nini.
Allannguutissatut siunnersuutip imaraa sanaartorfissamik ataatsimik atueqqinnissaq suliniutissatut qinnutaaqqaatumiik.
Ussassaarusiorfittut piffissaliussaq ingerlanneqassaaq 24.02.2020-miit 09.03.2020 ilanngullugu.

Teknikkimut ataatsimiittitaliamiit suliniutitut siunnersuut, sumiiffimmi A31-mi Ilulissaniittoq taperserniarlugu toqqarsimavaa. Pilersaarutaasumut toqqammaviusoq allanngortinnginnerani suliniutitut siunnersuut ussassaarusiarineqassaaq.
Ussassaarusiassaq suliarineqarpoq Inatsisartut inatsisaat nr. 34, 9. december 2015-meersoq naapertorlugu, tassuuna kommunalbestyrelsi periarfissaqarpoq sumiiffiit ilaasa atorsinnaaneranut ussassaaruteqarsinnaalluni sumiiffik tunngaviusumik pilersaarusiorfigilersinnagu.

Suliniummi ilaatinneqartut
KJ Greenland qinnuteqarpoq annertussutsimik sanaartorfissallu amerlassusaannut allannguinissamut sumiif-fik A31-miittumut Ilulissaniittumi.
Allannguutip imaraa sanaartugassat qaninnerulernerat sanaartorfillu alliallannerat maanna A31.1-mi sumiiffiup pilersaarusiorsimanerannut sanilliullugit. Kissaataavoq 12-nik sanaartorfiliinissaq pinnguartarfittullu sanaartorfik ataaseq. Sumiiffimmi tamaani inissiat 1-3-tut quleriit sanaartorneqassapput.

Suliniutissatut siunnersuutit allat
Piffissap nalunaaruteqarfiusup nalaani innuttaasutut inuussutissarsiortutullu maanna nunaminetap immikkoortuanut suliniutissanik allanik siunnersuutinik nassitsisinnaavutit, soorluttaaq siunnersuummut nalunaaruteqarnermut allanik oqaaseqaateqarsinnaasutit.
Suliniutissatut siunnersuutit allat oqaaseqaatillu tiguneqarumaartussat Kommunalbestyrelsimi suliniutissatut siunnersuummut nunaminertamik inniminniinnginnermi suliarineqassapput. Tamatuma kingorna kommunimut pilersaarummut ilassutissaq suliarineqassaaq. Suliniutissatut siunnersuutinut piumasaqaat tassaavoq, atuinissaq tassaassammat inissialiorfissami inissianik quleriiaanik sanaartornissaq.

Qinnuteqaatit tamarmik imaattunik imaqartinneqassaaq:
1. Ilusissamut siunnersuut sanaartugassap inissisimaffissaanik, isikkussaanik atortussanillu nassuiaasoq.
2. Atornissaa pillugu paasissutissaq.
3. Teknikkikkut ikkussukkat pillugit paasissutissat.
4. Aningaasaqarneq pillugu paasissutissat qinnutigineqartup piviusunngortinneqarsinnaaneranik uppernarsaasut.

Piffissamut aamma sanaartornissamut pilersaarutit.
Ullormit 24.02.2020: nal. 12:00 nunaminertap immikkoortuanut suliniutissanut allanut siunnersuutit nassiunneqassapput.
09.03.2020-mut: nal. 04:00 suliniutissatut siunnersuutinik tigooraaneq matussaaq.

Siunnersuut
Siunnersuineq aamma aqqutissiuussineq Pilersaarusiornermut Immikkoortortaqarfimmut uunga saaffiginninnikkut pisinnaavoq.: Tlf. 701800 imaluunniit mailikkut: plania@avannaata.gl.