airplanebooksbriefcase business cogs cross election entertainment fish house law lockmedicalpeopleselfservices socialtax

Tusarniaaneq - Immikkoortitap B07-ip allineqarnissaa, Konrad Chemnitzip Aqqusernani inuussutissarsiutinik ingerlatsivik, Ilulissat

KJ Greenland A/S kissaateqarpoq suliffeqarfiutini Ilulissaniittoq pioreersorlu annertusiniarlugu, manna suliffeqarfiup suliniutai sumiiffimmi B07-mi ilassusiinikkut. Kommunep pilersaarutaanut tapiliussaq nr.13 suliarineqarpoq suliniummut qinnuteqaat aallaavigalugu, taannalu tamanut nalunaarutaareernikuuvoq.
27. april 2020
Kommunemut pilersaarummut tapiliussaq nr. 13 piffissami 27.04.2020-miit 22.06.2020-mut tamanatu tusarniutigineqarpoq.

Kommunemut pilersaarutip tapiliussaata siunertaa
Kommunep pilersaarutaanut tapiliussap pingaarnertut siunertaraa inuussutissarsiorfeqarfiup allilernissaa, sumiiffiup immikkoortua B07. Alliliissut atorneqassaaq atortussanut ilioraavittut betonit katitigassanut sanaartornerpassuanni atorneqartussanut maannalu Ilulissani aallartisar-neqartunut. Taamaattumik KJ Greenland A/S-ip suliffeqarfia pioreersoq allilernissaanut pilersaa-rusiortoqarpoq sanaartorsinnaanermut periarfissiilluni inuussutissarsiornermut siunertalinnut, nunaminertat betonimut kueraaviit aammalu nunaminertat uninngatitsivissat sanaartornermi atortussanut, containerinut il.il. Nunaminertaq alliligassaq KJ Greenland A/S-imit inniminneer-neqareerpoq suliniummut tusarniutaasut aqqusaareerlugit.

Tamatumattaaq saniatigut aamma Kommunep pilersaarutaanut tapiliussap suliffeqarfimmut atasumik paarsisumut inissialiorsinnaanermut periarfssiivoq.

Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/gl/tusarniaanermut/tusarniaanermut/ imalt. mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 22.06.2020.

Kommunimut pilersaarummut tapiliussaq nr. 13 uani aajuk.

Qarasaasianni paasissutissat ilaat atoqqissinnaajumallugit quppernermi matumani cookie-t atorneqartarput. Akueriuk annertunerusumilluunniit uani paasisaqarit.