Nalunaaruteqarnermut piffissaq tassaavoq 07.07.2020-imit 18.08.2020 tikillugu ilanngullugulu.
Teknikkeqarnermut ataatsimiittitaliap Umiartortunut angerlarsimaffik pillugu suliniutitut siunnersuut taper-serpaa sumiiffimmi A29-miittoq, Ilulissat. Pilersaarutitut tunngavigineqartup allanngortinnginnerani suliniutissatut siunnersuut nalunaarutigineqarpoq.Una nalunaarutiginninneq Inatsisartut inatsisaat nr. 34 9. december 2015-imeersoq naapertorlugu suliarineqarsimavoq, taassuma Kommunalbestyrelsi nunaminertap immikkoortua pillugu atuisinnaanermik pisinnaatitaanerup nalunaarutiginissaanut periarfissiivoq, taassuma tunngaviusumik pilersaarusiunnginnerani.
Suliniut ima imaqarpoq
Suliniutip ilagaa maanna akunnittarfittut sanaartungaareersup allilernissaa, annertusaaneq imminullu akiler-sinnaasumik niuverneq alliliissutiginiaraanni, taamaasilluni sullissisinnaanermik periarfissiilluni, soorlu maanna Umiartortunut angerlarsimaffioreersutut, soorlu ass. Cafeteerialerlugu. Alliliineq pissaaq nutaamik sanaartornikkut, taanna inissinneqassaaq maanna akunnittarfireersup saniani sanaartorfissami inuttaqann-gitsumi, taamasilluni illorsuit attavigiilersinneqassallutik. Ilassutaasoq kissaataavoq quleriit sisamatut portus-susilerlugu isikkuatigullu, qalipaataatut atortutigullu maanna pioreersumut assigusuussalluni.
Qinnuteqaat kommunip nittartagaani uani takuneqarsinnaavoq www.avannaata.gl imaluunnit kommunimi pilersaarutip nittartagaani uani http://kommuneplania.avannaata.gl
Suliniutissatut siunnersuutit allat
Piffissap nalunaaruteqarfiusup nalaani innuttaasutut inuussutissarsiortutullu maanna nunaminetap immikkoortuanut suliniutissanik allanik siunnersuutinik nassitsisinnaavutit, soorluttaaq siunnersuummut nalunaaruteqarnermut allanik oqaaseqaateqarsinnaasutit.
Suliniutissatut siunnersuutit allat oqaaseqaatillu tiguneqarumaartussat Kommunalbestyrelsimi suliniutissatut siunnersuummut nunaminertamik inniminniinnginnermi suliarineqassapput. Tamatuma kingorna kommunimut pilersaarummut ilassutissaq suliarineqassaaq.
Suliniutitut siunnersuummut illuatungiliussinnaasutut tunngavilersuutaasinnaavoq, atuuffissaa akunnittarfi-ussasoq/vandrehjemmeluunniit, pilersitsisoqartussaassaaq biilinut uninngatitsisarfittut pisariaqartitanik illorsuassamut nutaamut attuumassuteqartunik (biilinut uninngatitsisarfik ataaseq akunnittarfimmi/vandre-hjemmemi init 3-ungaangata, taakkulu nunaminertamut oqartussaasumit sanaartortorneqarlutillu aningaa-salersorneqassapput) aamma sanaartugassaq nutaaq pissutsinut pioreersunut naleqqussarneqassaaq..
Qinnuteqaatit tamarmik imaattunik imaqartinneqassaaq:
1. Ilusissamut siunnersuut sanaartugassap inissisimaffissaanik, isikkussaanik atortussanillu nassuiaasoq.
2. Atornissaa pillugu isumassarsiaq atornissaalu.
3. Pilersitsinissamut piffissaliussatut pilersaarutit pingaarnerit.
4. Biilit angallannerinut sunniutaasinnaasunik paasissutissiineq, tassunga ilaatillugu biilinut uninngatitsisarfiit pisariaqartitat inissinneqarnissaat
5. Teknikkikkut ikkussukkat pilersuutillu pillugit paasissutissat.
6. Aningaasaqarneq pillugu paasissutissat qinnutigineqartup piviusunngortinneqarsinnaaneranik uppernarsaasut.
Piffissamut aamma sanaartornissamut pilersaarutit
Ulloq 07.07.2020-miik suliniutitut siunnersuutinut illuatungiliusinnaasunik sumiiffiup immikkoortortaa pillugu nassiussisoqarsinnaavoq, suliniullu nalunaarutaasoq pillugu oqaaseqaatinut.
Ulloq 18.08.2020 nal.16.00 suliniutitut siunnersuutit oqaaseqaatillu tigunissaannut killingititaavoq.
Siunnersuut
Siunnersuineq aamma aqqutissiuussineq Pilersaarusiornermut Immikkoortortaqarfimmut uunga saaffiginninnikkut pisinnaavoq.: Tlf. 387700 imaluunniit mailikkut: plania@avannaata.gl.