Maannali isumammat atorfissaqartipparput. Kommunalbestyrelsip kissaatigaa, siunissamut pilersaarusiornermi innuttaasut sunniuteqaqataanissaat. Taamaattumik innuttaasut 18-leereersimasut Avannaata Kommuniani najugaqartut immersugassakkut akissuteqarnissaannut qaaqquagut. Innuttaasut immersuisimasut tamarmik makitsinermut peqataassapput Pilersuisumiik gavekortinut 25-nut aammalu mobilimik iPhone 11 Pro-mut eqquiniaanissamut.
Piujuaannartitsinermi pineqarpoq, qanoq iliorluta inunnut avatangiisinut pitsaanerpaamik atugassaqartitsineq, maanna siunissamilu. Tamanna isumaqarpoq, isumalluutiginiakkagut mianerissagigut taamaasilluta nunarsuarput kinguaassatsinnut pitsaasumik kingornutsinniassagatsigu. Piujuaannartitsinermi pineqarput tigussaasut, inooqatigiinnermut, kulturimut, aningaasarsiornermut avatangiisinullu tunngasut. FN (naalagaaffeqatigiit) nunarsuarmut tamarmut nungusaataanngitsumik piujuaannartitsinissami 17-nik anguniagassissimavoq, taakkulu Avannaata Kommunianit siunissami pilersaarusiornermi atorniarpai, siunissaq pillugu kommunalbestyrelsip tulluartitatut kissatigisaani.
Avannaata Kommuniata kissaatigaa, innuttaasut amerlasuut apeqqutinut akiffissiaq immersorumaaraat. 2020-p ukiaani iliuusissanut periusissiaq nutaaq pisortatigoortumik tusarniutigineqassaaq sapaatit akunnerini arfinilinni.
Apeqqutinut akiffissatut immersugassaq uani akineqarsinnaavoq: https://www.survey-xact.dk/LinkCollector?key=EG59PAAJSKC2
Kingusinnerpaamik: 1. September