airplanebooksbriefcase business cogs cross election entertainment fish house law lockmedicalpeopleselfservices socialtax

Aalisarnermi piniutaarsiutinik eqqakkaillu immap naqqaniit saliinissaq

Ilisimatuussutsikkut misissuummik Sannamik Qeqertarsuup Tunuani immap naqqani aalisarnermi piniutaarsiutinik misissuinissat saliiniarsarinissallu ulluni 13. - 22. september 2020 pissapput. Taamaattumik aalisartut qinnuigaavut ulluni misissuiffiusussani saliiffiusussanilu – ataatungaani takukkit qaqugukkut sumilu - nal. 00:00-imiit 24:00-ip tungaanut sumiiffinni pineqartuni ningittakkersunngikkallarnissaannik.
14. september 2020

Inussiarnersumik qinnuigaatsigit misissuinissat saliiniarnissallu innimigeqqullugit

Suliniutikkut siunertaavoq paasiniassallugu aalisarnermi piniutaarsiuteqartarnerup qanoq ajornartorsiutaatiginera aammalu sapinngisamik amerlanerpaanik immap naqqaniit qalluinissaq. Suliniutikkuttaaq aalisarnermi piniutaarsiutit qaleralinnut assagiarsunnullu qanoq sunniuteqartarnerat paasisaqarfiginiarneqassaaq. Immap naqqanik saliiniarnermi periutsit nutaat misilgarneqassapput.

Taamaammat ulluni pineqartuni imartani misissuiffigineqartussani atortussinnik qimataqannginnissarsi kissaatiginarpoq.

Apeqqutissaqaruit paasissutissaateqaruilluunniit attavigikutsoorsinnaavatsigut.

Inussiarnersumik suleqatigiilluarnissamillu kissaateqarluta,

Rasmus Nygaard

Rasmus Hedeholm

 

Suliniut Namminersorlutik Oqartussanit Avatangiisinullu Aningaasaateqarfimmit aningaasaliiffigineqarpoq.

Rasmus Nygaard  Pinngortitaleriffik  Tlf. 27 01 70 rany@natur.gl
Rasmus Hedeholm  SFG  Tlf. 27 24 22 rhe@sfg.gl
RV Sanna   Tlf. 54 64 98