airplanebooksbriefcase business cogs cross election entertainment fish house law lockmedicalpeopleselfservices socialtax

Perorsaasut akissarsiarissaarnerulerumallutik akerliussutsimik takutitsipput

Tallimanngornermi ualeq nunami sumiiffiit ilaanni perorsaasut akissarsiarissaarnerulernissaat pillugu akerliussutsimik takutitsinerit ingerlnanneqarput.
28. september 2020

Ilulissani, Nuummi, Sisimiuni, Maniitsumik, Qaqortumi aamma Tasiilami perorsaasut, tallimanngornermi ualikkut naapipput akerliussutsimik takutitsiniarlutik akissarsiat atukkallu pitsaanerusut pillugit. Akerliussutsimik takutitsinerit ingerlanneqarput maanna isumaqaiginninniarnerit perorssasut kattuata NPK-p Namminersorlutillu Oqartussat akornanni ingerlanneqarmata.

Perorsaasut piumasaraat naligiimmik akissaatitigut inissinnissaq, s.ass. ilinniartitsinut allallu taamaaqqataatut suliaqarfinni asiigusuni sulialinnut.

Akissarsiat tunngavii assigiinngillat ukiumut kr.90.000.- missiliorpaat, perorssasup ilinniartitsisullu akornanni.

Perorsaasutut ilinniakkamik naammasserlaaq akissaatai aallartiffeqarput kr.20.588.-nik akileraarut suli ilanngaatiginagu.

 

-Perorsaasorpassuit ilisarisimasama suliffigeusuttanngilaat. Akisussaaffik annertuallaarpoq akissarsiallu annikillutik, Kirstine Nielsen nassuiaavoq, taanna Ilulissani akerliussutsimik aaqqissuisut ilagaat.

 

Ilulissani inuit 70-it missaat timersortarfiup eqqaani katersuupput, kingorna illoqarfikkoorlutik ingerlaarput kommunep allaffianut ingerlaarlutik, tassani borgmesterimit qullersaqarfimmilu sulisunit amerlanernit naapinneqarlutik.

 

Tassani perorsaasut sinniisaat oqalugiaqqaarpoq suliniutertillu saqqummiullugu. Kingorna borgmester Palle Jerimiassen oqaaseqatsiarpoq ilaatigut perorsaasut suliaannut qujaniarneq angisooq nersorinninnerlu oqaatigalugit.