Tallimanngorneq ulloq 23. oktober kiisalu tallimanngornerit tulliuttut arfineq-marluk borgmesterimut kiisalu ataatsimiititaliat siulittaasuinut innuttaasut apeqquteqarnissaminnut periarfissaqassapput Facebook live aqqutigalugu. Sapaatit akunneri tamaasa ataatsimiititaliani siulittaasoq nutaaq saqqummiisassaaq kommunip suliai pillugit paasissutissiilluni kiisalu innuttaasut apeqquteqartut akissuteqarfiginissaannut piareersimalluni. Siulittaasut pisortat peqatigisassavaat apeqqutit assigiinngitsut akinissaannut ilassuteqarsinnaassammata.
Borgmester Palle Jerimiassen tallimanngorneq ulloq 23. oktober uku saqqummiutissavai:
• kommunip aningaasaqarnera
• sanaartugassat
• allaffissornermi allannguutit
• kommmuni pillugu killiffissiuineq pingaartumik kommunip pilersinneqarneraniit
Paasissutissiineq siulleq pissaaq tallimanngorneq ulloq 23. oktober nal. 14:00-15:00 Avannaata Kommuniata Facebookia atorlugu.