airplanebooksbriefcase business cogs cross election entertainment fish house law lockmedicalpeopleselfservices socialtax

UNESCO-qarfiup illoqarfiup kujammut ineriartortinnissaa unitsippaa

Sapaatip akunnera kingulleq, kommunep ineriartortinnissaanut pilersaarut Ilulissat Avannaa tusarniutigi-neqarpoq. Borgmesteri Palle Jerimiassenip kajumissaarutigaa illoqarfiup kujammut ineriartortinnssaa pillu-gu oqalinneq ammaattariaqartoq.
10. november 2020

Maannakkuungallartoq illoqarfiup kujammut ineriartortinnissaanut periarfissaarunnialerpoq, tassa UNESCO-p susassaqarfiata killeqarfia maanna illoqarfiup killeqarfia angummagu.

-Isumaqarpunga sulissutigisariaqartoq piviusunngortillugulu illoqarfiup kujammut ineriartortissinnaanera. Soorunami UNESCO-qarfik aamma killeqarfiliussaq killiliissapput, isumaqarpungali oqaloqatigiinnissamut piareersimasariaqartugut ammasumik eqqartuinissamut, oqartussaasullu (namminersorlutik oqartussat) paasisariaqarpaat Ilulissani innuttaasut kujammut sanaartorusuttut, borgmester Palle Jerimiassen oqarpoq.

Namminersorlutik oqartussatmaanna eqqissisimatitsinissamut kaajallaasitaq Ilulissat Kangerluanut atuuttoq Ilulissallu Kangerluanut aqutsinissamut pilersaarut nutartilerpaat, taakku marluk ukioq manna qaangiutissapput.

-        Ilulissat Kangerluanut eqqissisimatitsinissamik nalunaarutip aamma Ilulissat Kangerluata aqutsiviunissaanut pilersaarutip nutarternissaannut peqataasariaqarpugut, isumaqaratta manna killilersuutit allanngortitattariaqartut innuttaasut kissaataannut iluaqutaasumik, Palle Jerimiassen oqarpoq.

Tamatumunnga atatillugu Avannaata Kommunia innuttaasunut ataatsimiisitsinissamut aggersaavoq, periarfissat pillugit killilersuutillu oqallisiginissaannut, tamakku UNESCO-qarfimmut killeqarfigititaannullu attuumassuteqarlutik. Namminersorlutik Oqartussat eqqissisimatitsinermut sumiiffiullu Nunarsuarmioqati-giinnut kingornutassiaqarfiuneranut akisussaapput.