airplanebooksbriefcase business cogs cross election entertainment fish house law lockmedicalpeopleselfservices socialtax

Avannaata Kommuniani ukiuunerani assartuutit motoorinik ingerlatillit nunaannarmi atorneqarneri pillugit ileqqoreqqusassatut siunnersuut

Avannaata Kommuniani ukiuunerani assartuutit motoorinik ingerlatillit nunaannarmi atorneqarneri pillugit ileqqoreqqusassatut siunnersuut piffissami tamanut tusarniaassutigineqarpoq: Sisamanngorneq ulloq 23.11.2020-miit sisamanngorneq ulloq 06.12.2020 ilanngullugu.
23. november 2020

Tusarniaaneq

Kommunalbestyrelsip kissaatigaa inuussutissarsiutillit ilanngunneqassasut, aalisartut, piniartut, takornariartitsinermik ingerlatallit allallu. Taamaattumik tamassinnut una tusarniaaneq nassiunneqarpoq. Ingerlateqqissinnaavarsi imalunniit uannut nalunaarsinnaavusi.

 

Tusarniaassummut akerliliissutissaqaruit, oqaaseqaatissaqaruit imaluunniit allannguutissatut siunnersuutissaqaruit kommunimi kingusinnerpaamik ulloq 06.12.2020-mi tiguneqareersimassapput. Tusarniaassummut akissutit kommunip Pilersaarutinut isaaviatigut toqqaannartumik allallutit nassiutissavat http://plania.avannaata.gl/gl/tusarniaanermut/akuerineqarpoq---ileqqoreqqusat-aamma-malittarisassat/. Aamma akissuteqaatit najukkanni Sullissivimmukaassinnaavat imauunniit Kommunimut nassiussinnaavat. Aamma attavigisinnaavatsigut oqarasuaat 387676 imaluunniit 387614 aamma E-mail: hha@avannaata.gl

 

Tamanik peqataatitsereernerup kingorna akerliliissuteqartoqarsimappat, oqaaseqaateqartoqarsimappat allannguutissatulluunniit siunnersuuteqartoqarsimappat kommunalbestyrelsimi oqaluuserineqassapput. Tamatuma kingorna Suliffeqarnermut, Ilisimatusarnermut Avatangiisinullu Naalakkersuisoqarfimmi atuutsitsilernissaq siunertaralugu tamakku ileqqoreqqusanut ilanngunneqarumaarput.

 

Siunneruut kommunip nittartagaatigut www.avannaata.gl ‘toortagaq‘ Pilersaarutinut isaavik toorlugu http://plania.avannaata.gl/dk/ imaluunniit toqqaannartumik Pilersaarutinut isaavimmiit http://plania.avannaata.gl/dk/vedtaegter_og_regulativer/motoriserede-befordringsmidler/.