- Tusarniaaneq pillugu akissutit 30-t missaat tiguagut tamannalu assut nuannaarutigaarput. Innuttaasut qanoq oqariartuuteqarusunnersut uanga soqutigiuaannarpara. Isumaqarpungalu innuttaasunik tusarniaasarnerni akissutinik aatsaat taama amerlatigisunik tigusaqartugut, ingasammik Kangiani aalisarfiusumi Aallaaniarfimmiit Nunatarsuarmut aqqummut tunngasunik akissutissarsisimavugut, Borgmester Palle Jerimiassen oqaluttuarpoq
Siunnersuummi saqqummiunneqartumi, Ilulissaniit Aallaaniarfikkut Nunatarsuaq tikillugu aqqummik aqqutigineqarsinnaasumik siunnersuusiortoqarpoq, aqqullu taanna aalisartunit qimussertunillu atorneqartarpoq, tamannalu inuit ilaannit sumiiffiup snescooterinit aqqutigineqartalernissaata kingunerisaanik qimussimik angallannermut, aalisarnermut sumiiffimmilu puisinut sunniuteqarnerlunnisssaa ernumanartutut isumaqarfigineqarpoq.
- Nuannaarutigaarput innuttaasut soqutiginnilluarlutik peqataammata, taamaalilluni innuttaasut ileqqoreqqusassamut sunniuteqaqataassammata. Pingaaruteqarpoq erseqqissassallugu, saqqummiunneqartoq ileqqoreqqusassamut siunnersuutaammat, aammalu suli aalajangiisoqarani, aaqqiissutaasumillu inerniliinissarput siunnerfigineqarmat, kikkut tamat naammagisimaagaannik. Massakkut tusarniutigineqartoq pillugu akissutaasimasut misissuataassavagut, tamatumalu kingorna suliassaq Kommunalbestyrelsimit suliarineqassaaq, taama naggasiivoq Palle Jerimiassen.