airplanebooksbriefcase business cogs cross election entertainment fish house law lockmedicalpeopleselfservices socialtax

Innuttaasut motoorilinnik ingerlatsisut qajassuusseqquneqarput

Motoorilinnik ingerlatsisut aqqusinerni mianersortarnissaat aammalu biilinit uninngasunit putsumik mingutsitsinnginnissaat eqqumaffigeqquneqarpoq.
15. marts 2021

Aqqusinikkut angallannermi inatsit tunngaviusut eqqaasitsissutigalugit, motorinik ingerlatilinnik ingerlatsisut aamma qamuteralinnik atuisut immikkut qajassuussisumik mianersortumillu pissuseqarnissaat matumuuna eqqaasitsisutigineqarpoq, tassa allanik ulorianartorsiortitsisoqaqqunagu ajoqusiisoqaqqunagulu.

Mianersortumik pissuseqarnissaq aqqusinermiittunut aqqusinermilu qanittumik najungaqartunut aamma atuuppoq.
Saaffiginnissut innuttaasut toqqisisimanissamik kissaateqarnerannik, kiisalu biilit najungaqarfinni qanittumni motorip ingerlatiinnarneqartarnerini puttumik tipiliortitsisoqannginnissaanik kissateqarnermik tunngaveqarpoq.

Teknikkeqarnermut Ingerlatsivik, Ilulissat