airplanebooksbriefcase business cogs cross election entertainment fish house law lockmedicalpeopleselfservices socialtax

Qinersineq kisitseqqissaarinikkut akuerineqarpoq

Avannaata Kommuniani kommunalbestyrelsimut qinersinermi taasinernik kisitseqqissaarineq nikingassuteqalaaginnartunik naammassineqarpoq.
7. maj 2021
- Avannaata Kommuniani qinersinermi taasinernik kisitsineq ataatsimut isigalugu nikingassuteqalaaminerpoq, taakkuli inernerusunut tamakkiisunut sunniuteqanngillat. Taamaasilluni kommunalbestyrelsimut qinersineq qinersinermi ataatsimiititaliamit akuerineqarpoq, kommunalbestyrelsimilu tallimanngornermi maajip 14-iani nal. 10.00 inissititertoqarnissaanut ataatsimiittoqarsinnaalerpoq, Nick Nielsen, Avannaata Kommuniani pisortaaneq ilisimatitsivoq.

Kisitseqqissaarinermi nikingassutit uku nassaarineqarput:

- Uummannaq, nikingassutit marluk
- Saattut, nikingassutit maruk
- Ukkusissat, nikingassutit marluk
- Upernavik Kujalleq, nikingassut ataaseq
- Qaanaaq, nikingassutit marluk
- Siorapaluk, nikingassut ataaseq
- Ilulissat, nikingassutit pingasut
- Innaarsuit, nikingassutit marluk

Allattoq: Káte Hansen, khan@avannaata.gl