Suleqatigiissuterujussuaq
Kangiata Illorsuassaa pilersinneqarpoq suleqatigiissuteqarnikkut, Real Dania, Naalakkersuisut Avannaata Kommuniatalu akornanni, taannalu titartarneqareersimalluni 2015-mili. Titartaasuuvoq Dorthe Mandrup Arkitekterne sanaartortuulluni KJ Greenland.
Kangiata Illorsuartaassaa atuutissooq qitiusoqarfittut pulaarfissiaq paasissutissiisrfiutigisoq, tassani paasissu-tissat siku, silaannaap pissusaa sumiiffiup kulturikkut oqaluttuassartaanik ingerlatitseqqittassalluni. Illorsuaq 1.500m2 -mik annertussuseqarpoq, taakkunannga 900 m2 kiassangaalluni, 400 m2 atorneqassaaq ”Sermeq pillugu oqaluttuaq” ataavartumik saqqummersitsiviussalluni.
Saqqummersitaq JAC studios-imit ilusilersugaavoq aningaasaliisoralugit, Nordea-Fonden, Augustinus Fon-den, Bloomberg Philanthropies aamma OAK Foundation.
Katersugaasiviinnaanngilaq
Aalajangersimasumik saqqummersitat saniatigut illorsuaq kulturip illorsuatut atuutissaaq saqqummersitanut allanut kulturikkullu pisartussanut, taakku saniatigut filmertarfeqassaaq, café aamma pisiniarfik kiisalu atuakkanik atorniartarfik. Illorsuaq takornarissanut paasissutissiisarfiinnartut atuunnissaa isumaanngilaq, aammali ilinniartunut paasissutissiisarfittut. Nordea-Fondenimiit tapiissutit ilaat immikkoortitaapput qarasaasiakkut immikkut atuartitsinissamut, tassani paasissutissiissutaassapput ilisimasat silap pissusaanut kulturimullu tunngasut, nunatsinni atuartunut nunarsuullu sinnerani atuartunut.
Kangiata Illorsua Sermermiut eqqaralaannguaniippoq Kangerlummut isikkiveqarluni. Illorsuup qaarajulaarnernik ilusilingaanera Uppiup timmineranit isumassarsiaavoq illorsuullu ilusilersungaaneranit qaliarsua aamma aneersuartarfittut isikkivissiorfittullu namminerisamik atuuffeqartitsissaaq.
Kangiata Illorsua nittartakkakkut
Kangiata Illorsua Facebook-imi qupperneqalereerami nittartagartaarlunilu, tassani nassaarineqarsinnaapput kangia pillugu, illorsuaq taassumallu sammisassaqartitsissutaanut tunngasuni paasissutissat.
Kommunip facebookiani aamma allakkanik nivinngaavinni tamanut ammasumik akeqanngitsumik kaffisortitsisoqarnissaa nalunaarutigineqassaaq. Ilimagineqarpoq nalunaaqutaq 11.00 kaffisortitsisoqassasoq taamaattorli piffissarititaasoq allanngortinneqarsinnavoq.
https://www.facebook.com/isfjordscentret
www.isfjordscentret.gl
(Internet Explorer-ip atornerani ajornartorsiutaasunik nalunaarsuisoqarsimavoq, taamaattumik inassutigarput browser-imik allamik atuisoqassasoq. Ajornartorsiut qaangerniarlugu suliaqarpugut.)
