Uummannami pisarnertut saleersuarnerit ingerlanneqassapput arfininngornerni 12. juni aamma 19. juni 2021, kikkullu tamarmik peqataanissaannut akisussaaffimmillu tiguseqataanissaannut kajumissaarneqarput.
Saleersuarneq aallartissooq nal. 13.00. Kommunip allaffiata silataaniik. Avannaata Kommuniata kaffit, tiit kaagillu meeqqanullu imeruersaatit sassaalliutigissavai, taakkualu saniatigut T-shirt-it naqinnillit ” Avatangiiserput miguitsoq nuann`” aammalu kaskitit.
Umiatsiakut, karsikut, assakaasukut, qisuit suut tamaasa piginnittunik nalunaarsorneqarsimanngittut nunaminertamillu akuersissummik takussutissartaqanngittut piiarneqassapput.
Innuttaasut qinnuvingaavut snescooteritik, qamutitik aalisarnermullu atortuutitik atoqqitassatik illumi killingannut inaalitsinnissaanut Teknikkimut Avatangiisinullu Immikkoortoqarfimmut saaffiginneqqullugit.
Biilikunik snescooterikunik motorikunik il.il. illumi silaataaniittuutilinnut kaammattuivugut atoqqittussaangunik torersumik inaalissoqqullugit ,atornianngisatillu Teknikkimut Avatangiisinullu Immikkoortoqarfimmut inginneqarnissai saaffiginnissutigeqqullugit.
Nal. sisamap tungaanut saniit cigaritit kimmivikui katersorneqarsinnaasut tamarmik katersorniarsarineqassapput, saliiffiusunit biilinik puunik katersisunik nutaanillu tunioraasunik angalaartoqassaaq.
Puumik ataatsimik ulikkaarinninnermi normumik tunisisoqartassooq. Kommunip allaffiatalu saatungaani normunik makitsineq ingerlanneqassooq. Eqqugassaq anneq Iphone il.il.
Neriuutigaarput kikkut tamarmik peqataajumaartut akisussaaffimmillu tingusiumaartut illoqarfitta ukioq naallugu kusanarlunilu eqqiluitsuutinnissaanut.
Inussiarnersumik inuulluaqqusillunga
Makkak Markussen
Innuttaasunut Sullissivimmi Pisortaq