- Atortussatigut taartissamaatit sukkanerpaamik tikisinniarnerat sulissutigaarput, kisianni bussit qaqugu ingerlaaqqilersinnaanissaat oqaatigisinnaanngilarput, Sammi Fly Ilulissani bussini ingerlatsisunut aqutsisoq oqarpoq.
Ullut arlalialuit matuma siorna juunip 14-iani Bus 1-imi assakaasut kanaartaasaat kaavittoq peqqutigalugu bussit ingerlaarunnaarsinneqarput, ullumikkullu Bus 2-mi ikummatissalersuut ajoruteqalerpoq, taamalu busi aamma ingerlaarunnaarsinneqarluni.
- Bussit ingerlaaqqilernissaasa tungaannut bussini ingerlatsisut tallimaasut bussini eqqiaassapput aammalu bussit unittarfiini allagartalersuillutik. Ilulissanilu innuttaasut taartissat tikinnissaasa tungaannut bussillu ingerlaaqqilernissaasa tungaannut naammagittalaartariaqassapput, Sammi Fly oqarpoq.
Allattoq: Káte Hansen, khan@avannaata.gl