Kommunep pilersaarutaa nr. 15-mut tapiliussaq: Ilulissat avanaatungaani inuussutissarsiorfeqarfik

Kommunep pilersaarutaanut tapiliussamut siunnersuut aallaaveqarpoq Ilulissat Avannaata Ineriartortinnissaanut pilersaarummit tassani annertungaatsiartumik inuussutissarsiorfinnut inissiiffissaliortoqassalluni, Sumiiffik B04-tut, tassa mittarfimmut aqquserngup Eqqaavissuullu akornanni sanaartorfiusimanngitsumi.

Kommunemut pilersaarummut tapiliussaq nr. 15 piffissami 30.06.2021-miit 11.08.2021-mut tamanatu tusarniutigineqarpoq.

Kommunip pilersaarutaata tapiata siunertaa
Inuutissarsiorfimmut sumiiffiup iluani ilioqqaanernut sanaartornernullu nunaminertat, kiisalu aqqusinissanut atugassiissutit qularnaarneqassapput, tamatumunngalu ataatsimut isiginnilluni pilersaarusiorneq aallaaviussaaq,
taamaalilluni sumiiffik sapinngisamik tulluarnerpaamik iluaqutaaniassammat.

Siunnersuut siusinnerusukkut tusarniutigineqarsimavoq tusarniaanermilu akissutigineqartut tunngavigalugit nutarterneqarsimalluni, annerusumik mittarfittaassap isumannaallisaanikkut killeqarfigititaanut tunngasuni piumasaqaatit nutaat pissutigalugit. Siunnersuut pillugu tulliuttuni immikkualuttut taaneqartut allannguuteqartinneqarput:
• Ilitsivissatut nunaminetaliussat ilaat, sanaartorfissat aamma aqquserngiassat atorunnaarput imaluunniit allaanerusumik inissinneqarput
• Illuliassat annerpaamik portussusissaat qaliallu teqeqqui qummut sanaartorfissani amerlanerpaani allannguiffigineqarput

Kommunimut pilersaarummut tapiliussaq nr. 15: https://kommuneplania.avannaata.gl/media/3450/kpt-15_ilu-b04_forslag_rev.pdf

Kommmunimut pilersaarummut tapiliussaq sapaatip akunnerini arfinilinni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniutaasumut akissutit kommunep nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/  imalt. Mailikkut uunga: plania@avannaata.gl . Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 11.08.2021.