airplanebooksbriefcase business cogs cross election entertainment fish house law lockmedicalpeopleselfservices socialtax

Isaterineq ilinniartunut inissianut marlunnut inissaqartitsilissaaq

Ilinniartunut inissiat marluk nutaanngitsut Ilulissani Marralinnguarmiittut isaterneqalerput ilinniartunullu inissianut marlunnut nutaanut 2023-mi naammassineqartussanut inissaqartitsilissallutik.
7. juli 2021
Ilinniartunut inissiat marluk nutaat taama isikkoqalissapput.
Ilinniartunut inissiat nutaanngitsut marluk marlunnik quleriuusut tamarmik immikkut toqqaviatigut uuttorlugit 200 kvatratmeterinik angissuseqarput. Isaterneqarpata ilinniartut inaannut marlunnut 16-inik assigiinngitsunik angissusilinnik inissiartalinnut aammalu katillugit 72-inut ineqartitsisinnaasunut katillugit 1.588 kvatratmeterisut angissusilinnut inissaqartitsilissapput.

Inissialiassat Namminersorlutik Oqartussat illoqarfinni ilinniarfeqarfiusuni tallimani ilinniartunut inissialiarineqartunut ilaapput.

- Inissialiassat marluk assigiittussaasut aammalu tarrarsortutullusooq imminnut inissisimasussaasut kingorna pisariaqartitsisoqalissagaluarpat aammalu aningaasaliisoqaqqissappat ataatsimik assingannik ilaneqaqqissinnaassapput, TNT, sanaartugassanik titartaasuusut allapput nangillutillu:

- Inissiat tamarmik immikkut arfineq pingasunik ilinniartunut inissiartaqassapput, ilinniartunut ilaqutalinnut imaluunniit ilinniartoqatigiinnut najugaqatigiiaanut pingaarnertut naatsorsuussaallutik. Illut inissiaqarfiit ataasiakkaat inoqutigiiaanut sisamanik inuttalinnut sisamanik inissiartaqassapput, inissiallu allat sisamat amerlanerulaartunut tallimanik inuttalinnut inissiartaqassapput. Inissiaqarfiit tamarmik immikkut errorsisarfinnik, teknikkeqarfinnik, eqqiaassuteqarfinnik, quinik aamma katerisimaartarfinnik ataatsimoorussanik initaqassapput kiisalu ataatsimoorussanik majuartarfeqarlutillu torsuusaqarfeqassallutik.

KJ Greenland A/S sanaartornermi tamakkiisumik sanaartortuusussaapput.

Ilinniartunut inissiat Marralinnguarmiittut isaterneqalersut ungasianiit.
Isaterneqartut qanillillugit.