Uummannap eqqaani Karrat kangerluanni qaqqami nunap sisooratarsinnaneragut Qaarsuni illuutit najugaqarfiusut aammalu nunaqarfimmiit timmisartoqarfimmut aqqusineq tassaarsuarmit eqqorneqarataannaapput.
Tassaarsuaqassagaluarpat Qaarsuni timmisartoqarfik upalungaarsimaniarnermi pisariaqartussaammat ingerlaannarsinnaanissaa pisariaqartinnepoq. Taamaammallu Ineqarnermut, Attaveqaatinut Naligiissitaanermullu Naalakkersuisoqarfimmit kissaateqarneq naapertorlugu, Avannaata Kommunia kommunimut pilersaarutip tapianik ilusilersuivoq, ilaatigullu nunap aaqqissuunneqarnerata pitsanngorsarneqarneranut atatillugu timmisartoqarfimmi sulisunut inissianik arfinilinniit arfineq-marlunnut amerlassuseqartunik sanaartortoqassaaq.
Kommunimut pilersaarutip tapianik pilersaarusiortoqarneragut immikkoortortaq Qaarsut timmisartoqarfiata eqqaaniittoq Uummamut attaveqaateqarnermi pingaarnerpaasoq annertusineqassaaq.
Kommunimut pilersaarutip tapissaanik siunnersuut 2021-mi aggustip 18-ianiit 2021-mi oktobarip arfineq-pingajuata tungaanut tamanut tusarniaassutigineqarpoq.
Kommunimut pilersaarutip tapissaanik siunnersuut uani takuneqarsinnaavoq: https://kommuneplania.avannaata.gl/media/3714/kpt-c02-qst-dk-kal-til-hoering-1808.pdf
Allattoq: Káte Hansen, khan@avannaata.gl