airplanebooksbriefcase business cogs cross election entertainment fish house law lockmedicalpeopleselfservices socialtax

Allattoqarfik borgmesterilu B-7-imut nuupput

Avannaata Kommuniata allattoqarfia borgmesterilu B-7-imut nutarteqqammisamut iserterput.
21. september 2021
B-7 saamerliusoq allaffeqarfissuup ungasinngisaaniippoq. Talerpiata tungaanieqqartuussiviusimasoq maanna Ilinniarnermut Ingerlatsiviup allaffigisaaersiaqqalaarpoq.
Innuttaasut borgmesterimik sisamanngornikkut ataatsimeeqateqarnissaminnut periarfissaq atorusukkunikku siunissami illu B-7-imut ornigutissapput. B-7 2017-imi aasakkut ikuallareernerata kingorna nutarsarneqarluni atorneqarsinnaaqqilerpoq.

Borgmesterili Upernavimmut Uummannamullu paasititsiniaajartorluni angalareeruni aatsaat sapaatip akunnerata 40-p ingerlanerani innuttaasunik sisamangornikkut ataatsimeeqateqaqqissinnaalissaaq.

Ilaatigut Ilulissani kommunip allaffeqarfissuani inissaaleqineq pissutigalugu allattoqarfik borgmesterilu maanna B-7-imut nuuttariaqalersimapput.

B-7 siornatigut ilaatigut KGH-mit, KNI-mit aamma Akileraartarnermut Pisortaqarfiup avannaani immikkoortortaqarfiatut allaffeqarfigineqarsimavoq 90-ikkullu ingerlaneranni kommunimit illuutigineqalersimalluni. Illu 2017-imi aasaanerani nutarsarneqaleruttortoq ikuallalersimavoq.

Allattoq assiliisorlu: Káte Hansen, khan@avannaata.gl

B-7-ip silataani suli inaarsaasoqarpoq.
Illu 2017-imi ikuallammat asseq. (Toqqorsivimmit)