Paaqqinnittarfimmi ningiu ukiunik 40-nngortorsiorluni nalliuttorsiortoq

Karen Eriksen 1981-imili perorsaasutut aallarteriarluni 1983-imili aqutsisut atorfeqalerluni meeqqerivimmi Piaraq-mi aammalu akuleriinnik ukiulinnut paaqqinnittarfimmi Nukariit-ni suli suliffigisamini ningiutut ulloq manna tikillugu sulivoq.

Aka Grønvold Ilinniarnermut Ingerlatsivimmi pisortaasup oqalugiaammini ilaatigut maluginiagassatut eqqaavaa, Karenip ukiut ingerlaneranni suleqatigisimasai meeqqallu perorsaasutut sullissimasai amerlasimassagunaqisut.

- Kingumut qiviaraanni ulluunerani paaqqinnittarfiit oqaluttuarisaaneranni sunniuteqangaatsiarsimavutit. Ulluunerani paaqqinnittarfiit taakkuupput meeqqap ineriartonermini aqqusaartagai siulliit. Taakkuuppullu meeqqap ilikkagaqarnissaanut tunngaviit pingaarutillit, tamannalu annertuumik illit suleqataaffigisimavat, Aka Grønvold nalliuttorsiortumut oqalugiaammini ilaatigut oqarpoq.

Karen Eriksenip aqutsisutut sulinermini inatsisit maleruagassallu eqquutsinnissaannik aammalu politikkikkut aalajangiiffigisassanik suliaqartarsimavoq, perorsaanikkut meeqqallu ineriartornissaannut akisussaasuusimavoq, meeqqat pillugit assigiinngitsunik nalunaarusiortarluni, sulisut ineriartornissaat pikkorissaqqittarnissaallu isumagalugit, aningasaqarnermik aqutsilluni allarpassuillu.

Ilulissani ulluunerani paaqqinnittarfinni aqutsisut akuleriinnik ukiulinnut paaqqinnittarfimmut Nukariit-nut qaaqqusaallutik Karenip nalliuttorsiornerani malunnartitseqataapput.

Allattoq: Káte Hansen, khan@avannaata.gl
Asseq: Avannaata Kommunia