airplanebooksbriefcase business cogs cross election entertainment fish house law lockmedicalpeopleselfservices socialtax

Borgmesteri Upernavimmut Uummannamullu tikeraalersoq

Avannaata Kommuniani borgmesteri, qinikkat atorfilittallu Upernavimmi Uummannamilu katersuullutik ilisimatitseqatigiillutik ataatsimeeqatigiissapput, tamatumalu saniatigut innuttaasut aamma ataatsimiisinneqassapput.
27. september 2021
Borgmesteri Palle Jerimiassenip kommunimi killiffik ilisimatitsissutigiartorlugu Upernavimmi Uummannamilu qinikkanik, nunaqarfinni aqutsisunik, najukkani ataatsimiititaliani ilaasortanik atorfilittanik kiisalu innuttaasunik ataatsimeeqateqassaaq.

Angalaqatigiit septembarip 29-ani Upernaviliaqqaariarlutik ulloq taanna naallugu qinikkanik ataatsimeeqateqassapput unnukkuanilu innuttaasunik ataatsimiisitsineq nal. 19.00 katersortarfimmi aallartinneqassalluni.

Tamatuma kingorna Uummannamut ingerlaqqittoqareerneragut qinikkat oktobarip aappaani ataatsimeeqatigineqassapput, ullullu tulliani oktobarip pingajuani nal. 13.00 innuttaasut timersortarfimmi ataatsimiisinneqassallutik.

Qaanaami qinikkat atorfilittallu videokonference atorlugu kingusinnerusukkut ataatsimeeqatigineqassapput.

Allattoq: Káte Hansen, khan@avannaata.gl