Ilulissani bussit ukiuunerani ingerlaarnissaannut pilersaarut atuutilissasoq

Bus 2-t ingerlaarnissaannut pilersaarut sivitsugaq atuuttussanngorpoq.

- Maannamuugallartoq ullaap tungaani unikkallarfeqartarpugut. Unikkallartarnigut novembarip 1-aniit atorunnaarsillugit ingerlaartarnigut sivitsorlugit aalajangersimasumik ingerlaartalissaagut, Sammi Fly Ilulissani bussini aqutsisoq oqarpoq.

Bussit ingerlaartalernissaannut pilersaarut nutaaq malillugu bussit ulluinnarni unnukkut 22.34-p tungaanut ingerlaartalissapput. Bussit ullumikkut ulluinnarni 21.52-p tungaanut ingerlaartarput.

Sapaatip akunnerata naanerani bussit ingerlaartarnerat aamma allannguuteqarluni ullaakkut 8.55 aallarteriarlutik unnukkut 20.54-ip tungaanut ingerlaartalissapput. Bussit sapaatip akunnerata naanerani ullumikkut 9.25-miit 18.54-ip tungaanut ingerlaartarput.

Bus 1-t tillinneqarnerannut atatillugu ajoquseqqasut sillimmaserneqarnerannut suliaqarfiummata uninngagallartinneqarput.

Bussit ingerlaartalernissaannut pilersaarut novembarip 1-ani 2021-mi atuutilersussaq uani takuuk.

Allattoq: Káte Hansen, khan@avannaata.gl
Asseq: Avannaata Kommunia