Timersoqatigiiffiit susassaqartullu tamaasa aggersarneqarnikuupput, takkuttullu naapertorlugit suleqatigiit pilersinneqarput tassaasut: Politi, KRK inua, Sapiik, Qajaq Ilulissat, Miljøarbejderit, Timersoqatigiiffik N-48, Nammineq piumassutsimik inuusuttunut saqqummiisartut Kristian Møller kiisalu Lars Møller isikkamik arsartartoq. Suleqatigiisitat pilersinneqarnerani suleqatigiit pingaartipparput susassaqarfiit tikillugit orningulluta qaammarsaavigineqarnissaat, soorlu timersoqatigiiffiit, suliffeqarfiit inuusuttunik praktikkertuutillit, atuarfeqarfiit inuusuttut ornittangaallu.
Naapinnermi siullermi iliuusissatut pilersaarusiorneqarpoq timersoqatigiiffiit inuusuttut timersornerisa nalaani ornillugit saqqummiivigineqarnissaat kiisalu atuartut angajulliit maannamut atuarfiit suleqatingalugit saqqummiivingisajaarneqarlutik. Politiit ataatsimeeqatiginerani nuna tamakkerlugu statistikki malillugu ukioq kingulleq kiisalu ukioq manna ukiup naajartornerani juulleriartornera, qaammartalernera Marts April kiisalu aasami atuanngiffiup nalaani imminoriarnerit imminornerillu amerlanerpaajusimasut paasitinneqarpugut.
Taakkulu piffiit naaperlugit aaqqissuussinerit ingerlanneqartassasut isumaqatigiissutingalugu suleqatigiisitat suleqatigiillutik qaammarsaaneq ingerlattassavaat.
Inussiarnersumik inuulluaqqusilluta. Linda Jerimiassen Pitsaaliuinermi siunnersorti Peqqinneq Sunngiffillu Ilulissat Avannaata Kommunia