Upernavimmi kranilersorneq septembarip naaneraniusussaasimangaluartoq kingoraartissanik kinguaattoorneq pissutaalluni kinguaattoorpoq. Kranimut betonngimik toqqaviliaq siornatigut kuerareernikuuvoq, kranimut napasoq kingoraartissat timmisartumik tikippata ingerlaannaq ikkussorneqassaaq.
Tasiusami aamma betonngimik toqqaviliaq kuerareernikuuvoq. Kranitaa siornatigut Upernavik Kujallermiittoq massakkut Upernavimmut usingiarnikuuvoq. Kranimik assartuilluni ingerlatitseqqinnissamut assartuutip Holmip nunaqarfimmut talissinnaannginnera pissutaalluni ajornakusoortitsisimavoq.
Saattuni kranpi toqqavia betonngimik kuerareerpoq nappareerlunilu, kisiannili kingoraartissat kingulliit maskiinap attavilernissaanut amigaataapput. Taamaalisukkut kommunep entreprenøri ukioq manna ulittarnerup tinnittarnerullu majuartarfilersuinissaanut sulisussanik amigaateqarsimavoq, suliassarlu aasaq 2022-mi suliarineqassaaq.
- Avannaata Kommuniani entreprenørit arlallit 2021-mi inuttaqarniarnermik amigaateqarneq annertuumik misigisimavaat, taamaannerani nunaqarfinni sulisinnaasunik pissarsiniarneq ilungersunarsimavoq. RAL –ilu 800 kilo-innarmik nassiussanik usisinnaasimammat nassiussinissamut qaavatigut eqqungaavugut, taamaattumik Saattuni ulittanerup tinittarnerullu majuartarfissap betonngimik kuerarnissaa ajoraluartumik ukiup tullianut kinguartittariaqartoq, Teknikkeqarnermut Allattoqarfik nalunaarpoq.
Teknikkeqarnermut Allattoqarfik
Nutserneqarnera: Nutserisut