- Utoqqaat illuannut pulaarneq matoqqavoq.
- Innuttaasunik sullissivik ammavoq taamaattorli inuttaasut saaffiginninniarunik oqarasuaat atorlugu 38 78 84-mut saaffiginnissapput.
- Prinsesse Margrethe-p atuarfia matoqqavoq, meeqqat angerlarsimaannassapput. Meeqqat nappaammut ersiuteqartut misissortissapput.
- Meeqqeriviit meeraaqqeriviillu matoqqagallarput, tamatumunnga pissutaavoq sulisut misissortinnissaat.
- Illoqarfimmi orpiup ikinnera taamaatsippoq. Kisianni meeqqat pissaat juulimaamik pajugutingineqassapput.
- Katersuuffiusinnaasuni allani aamma katersuunnerit pinaveersaartinneqassut, assersuutigalugu bingo/banko, julefrokost-it, aaqqissuinerillu allat.
Meeqqat atuarfiani atuartuutilinnut pisariaqartitsinermi meeqqanut paaqqinnittarfimmik pilersitsisoqarpoq, taamaalillutik angajoqqaat inuiaqatigiinnut pingaarutilimmik suliffillit sulisariaqartut sulisinnaaniassammata. Uani pineqarput meeqqat 1. kl.-miit 7. kl. tikillugu.
Ullumikkut timersortarfimmi misissuisarfimmik pilersitsisoqarpoq. Tulleriiaat amerlasinnaapput misissortittussat amerlammata. Avannaata Kommunianit kissaatigineqarpoq misissortinnissamut sivisuumik utaqqisinnaanermut innuttaasut paasinnillutik ingerlassasut.
Upernaviup eqqaani kommunit allaffii matuneqanngillat. Avannaata Kommunianit kaammattuutigineqarpoq inuttaasut kommunip allaffiinut sianertarnissaannik, tassami tuniluuttoqannginnissaa anguniarneqarluni.
Suliniutigineqartunut nutaanut tunngatillugu Avannaata Kommunianit ingerlaavartumik paasissutissiisoqartassaaq.
Killilersuinerit allat suli atuupput.
Killilersuinerit qulaani pineqartut saniatigut Nuummut, Upernavimmut Upernaviullu nunaqarfiinnut qulaaluaasunut Naalakkersuisut killilersuinerat 21. November, nalunaaqutaq 08.00 atuutilersinneqartut suli atuupput.
Sumiiffinni tamanit ornigarneqarsinnaasuni akiuussutissamik kapineqarsimanermut uppernarsaat takuteqqaarneqartassaaq. Taamaalillutik meeqqat 2-miit 12-nut ukiullit kiisalu inersimasut suli akiuussutissamik kapitissimanngitsut tamanit ornigarneqarsinnaasunut isersinnaanngillat.
Killilersuinerit massakkumuugallartoq 5. December 2021 tungaanut atuupput.
Killilersuinerit ukunani atuuttuupput:
- Kulturikkut iluutit soorlu atuakkanik atorniartarfiit katersugaasiviillu
- Innuttaasut illui katersortarfiillu
- Illup iluani silamilu timersornermut atortut init timersorfiusartut timersortarfiit, timigissartarfiit kiisalu arsaattarfiit.
- Pisiniarfiit
Meeqqanit atuartunit tuniluunnerup ingerlaarsinnaanera pinngitsoorniarlugu killilersuineq tamanna marluk sinnerlugit ukiulinnut akiuussutissamik kapitissimanngitsunut tamanut atuuppoq. Imatut paasillugu meeqqat 2-miit 12-nut ukiullit covid 19 atoreersimanngikkunikku positiv PCR-test-lu ullut 14 sinnerlugit pisoqaassuseqanngitsoq kiisalu sapaatip akunneri 12 qaangerlugit pisoqaassuseqanngitsoq piginngikkunikku tamakkununnga iseqqusaanngillat
Tamanut iserfiusinnaasut taaneqartut iserfigissagaanni tamakkiisumik kapitissimasariaqarpoq,imaluunniit immikkut akuersissummik pigisaqartoqartariaqarluni. Misissortissimanermi nappateqannginnermut takussutissaq naammanngilaq.
Palle Jerimiassen
Avannaata kommuniani Borgmesteri