John Eisner Kalaallit Nunaata ministeriaqarfianit atorfinitsinneqarpoq Jyllandip avannaani ilisarititsissutaasumik pikkorissareerluni. Augusti aallaqqaataani John Kalaallit Nunaannut tikippoq sapaatillu akunnerata qaangiunnerani oqaatsuni atuarfiup pisortaatut sulilerluni. 1984 tikillugu tassaniippoq kinguneranillu atuarfik Mathias Storch-imi ilinniartitsisunngorluni, sulilu tassani atorfeqarluni.
Ukiorpassuit siulliit Mathias Storch-ip atuarfiata qulaani atuartorpassuit klassini nalinginnaasuni aamma klassini annertusisamik atuartuni fysik/kimi, (uumaatsulerineq) matimatik kiisalu inunnguuseralugu oqaatsini danskisut misilitsinnerni ingerlatsisimalluni.
1992 atuarfimmi atuakkanik atorniartarfimmi assistentitut atorfinitsinneqarpoq, taamatullu sulilluni 2003 tungaanut. Tassani atuarfimmi atuakkanik atorniartarfimmi pisortaq aamma ullup ilaa atuarfimmi atuakkanik atorniartarfimmi sulisoq soraarninngorput. Taamaattumik aalajangerpoq atuartitsinini annikillisissallugu aammalu atuarfimmi atuakkanik atorniartarfimmi pisortatut aamma innuttaasunut atuakkanik atorniartarfimmi allaffissornermi pisortatut atorfinitsinneqarluni.
Suliniut atuarfiup illuaraa-ni aamma ilannguppoq, (Uujummiuni) taannalu ukiut arlallit ingerlanneqarluni, tamanna pivoq Appani lejrskole atorneqartarnera akisuallaalermat. Maannakkut Uujummiut iluliarmiunik amerlasuunik ilisimaneqarluarpoq, aammalumi atuartut amerlasuut massakkut aasakkut lejrskolertarlutik.
2013-mili Atuarfik Mathias Storch pisoqaq isaterneqartussanngormat atuakkanik atorniartarfik kisiat suliffigilerpaa, suliassaaleqinngilarlu.
