Coronamut misissuutinik Avannaata Kommuniani illoqarfinnut nunaqarfinnullu tamanut nassiussuisoqas-saaq.
Qulakkiivissorluguli oqaatigineqarsinnaanngilaq ulloq suna coronamut misissuutit tiguneqassanersut.
Coronamut misissuutinik arlaleriarluni nassiussuisoqartassaaq
Pingaaruteqarpoq erseqqissassallugu, coronamut misissuutit taamaallaaat atorneqassammata Avannaata Kommuniata sulisuinut ulluinnani inunnik qanittumik sullissinermikkut attaveqartartunit. Assersuutigalugu tassaasinnaapput:
- Paaqqutarisariaqartut angerlarsimafiini sulisut
- Amngerlarsimaffinni ikiortit
- Utoqqaat angerlarsimaffinni ikiortinit sullinneqartut
- Perorsaasut
- Ilinniartitsisut
Taamaasiortoqarpoq tuniluunnerup annikinnerpaaffimmiitinnissaa anguniarlugu, taamaasilluni sulisut pigiinnarneqarniassammata innuttaasut sullinneqarnissamik kissaataat matussuserniarlugu.
Avannaata Kommunia suliffeqarfinni assigiingitsuniik makku innersuutigaat:
Suliffeqarfiit
Coronamut misissuutit atorneqassapput uteqattaartumik misissuisarnikkut, assersuutigalugu inuit inuiaqa-tigiinni pingaarutilinnik suliaqartut sapaatip akunneranut marloriarlugit tigusiffigisarnerisigut, taamaasilluni atuuffiit pingaarutillit innuttaasunillu sullissinerit unittoortinneqassanngimmata.
Paaqqutariffiit angerlarsimaffiusuni sulisut
Pingaarluinnartuuvoq coronavirusip nutaap killilersornissaa tuniluutitsinaveersaarnissarlu paaqqutarinnif-finni, inuit atupiluuinissaannut aarlerinartorsiorsinnaasut najugaqarfiini. Makku inassutigineqarput:
- Coronamut misissuutit arlaeriarluni atorsinnaapput. Assersuutigalugu sulisut misissugassanik sapaa-tip akunneranut marloriarlutik tigusiffigitissinnaapput, taakku suliffeqarpata inuleralutik COVID 19-mik atupiloornissaanut aarlerinaateqartuni, soorlu paaqqutarinniffiusunik najugaqatigiiffinniluunniit
- Coronamut misissuinissamik neqeroortoqarsinnaavoq paaqqutarinniffiusunut pulaartunut
- Tunillatsissimanermi PCR-mik misissuisoqassaaq saniatigut coronamut misissuumik atuisoqarluni tuniluunnerup piaarnerpaamik aqunnissaa qulakkeerniarlugu
Pingaaruteqarpoq sulisut akulikitsumik sukumiisumillu misissuiffigisarnissaat. PCR-mik misissuinerup pitsaaqqutigaa qulakkiingaanerusumik akissutisiffiusarmat. Misissuingasuarnerulli pitsaaqqutigalugu erngertumik akissutissarsiffiusarmat, PCR-mik misissuinermi akissutit aatsaat ullut 1-3 qaangiukkaangata akissutisiffiusarlutik.
Pingaarpoq aaqqiissusiussalluni sulisut ajornanngitsumik peqataaffigisinnaasaannik sukumiisumik akulikitsumillu, sulisut annertusisamik akuuffigisinnaasaannik.
Qanoq akulikitsigisumik misissuisarnissaq naliliiffigineqarpoq, aallaavittut saqpaatip akunneranut marloriartoqarsinnaasoq naammaginartumik akunneqartillugit maanna tunillaassuunnerujussuaq eqqarsaatigalugu. Sumiiffinnili ataasiakkaani misissuinerit akulikinnerutinneqarsinnaapput sumiiffimmi tuniluunneq annertuppat.
Paaqqinniffittut angerlarsimaffinnut pulaartunut coronamik misissuinerit pingaaruteqarluinnarpoq ilisima-titsissutigissallugu, misissuinerup qulakkiivissinnaanngikkaa inuup tunillatsissimasinnaanera, taamaattumillu tuniluutitsinaveersaarnermi naliginnaasumik pinaveersaartitsinermi innersuussutit suli malinneqartuassasut.
Atuarfiit ilinniartoqarfiillu.
Meeqqat atuarfiisa ammaqqinneqarnerini ilinniartoqarfiillu allat inassutigineqassaaq:
- Sulisut atuartullu annerit (12-nik ukioqalereersut) coronamut ataasiartumik misissortissasut ulloq siulleq takkunnerminni
- Atuarfinni ilinniartoqarfinnilu allani sulisut uteqqiattumik coronamut misissuiffigineqassasut tuniluu-titsinaveersaarnermi iliuutsinut ilaatillugu
Atuaqatigiit klasseqatigiit akuttunngitsunik misissuiffigineqartassapput atuarfinniik angerlartitsiinnartarner-mik kinguneqartitsisarneq killilersimaarniarlugu misissuutit eqqunngitsumik tunillatsisimanermik takutita-qartillugit, taamaasilluni pissusissamisoornerusumik toqqammavilersuutit allannguiffiusinnaammata attavi-gisimasanik ujartuilernermi atuarfimmilu mattusimalernermi. Akuttunngitsumik misissuinikkut aattuussi-manermik ataatsimilluunniit ersertoqarpat qanittumik attaveqarfiit nattusimaffiulissapput atuaqatinulluun-niit PCR-mik misissortereerluni akissutisinissap tungaanut. Atuartoq ilinniartitsisorluunniit tunillatsissimaner-mut nassaarfigineqarpata namminneerlutik mattussimalissapput piaarnerpaamillu malitsigisaanik PCR-mik misissortillutik.
Klassimi ataasiinnaangitsumik tunillatsittoqarsimaneranik takussutissaqalerpat attavigisimasanik misissuineq erngertumik aallartissaaq.
Ulluunerani neqeroorutit:
Coronamut misissuutit tuniluunnerup pinaveersaartinnissaanut iliuutsitut ulluunerani neqeroorfiusunut atornissaat pillugit, inassutigineqarpoq:
- Sulisut suli coronarsimanngitsut, sapaatip akunneranut marloriarlugit misissortittassasut suliartuler-sinnagit
- Coronamut misissuutit meeqqanut pilersuisunullu neqeroorutaanngillat, kajumissaarneqassappulli namminneerlutik coronamut misissuutinik piseqqullugit maleruaqqusallu nun.gl-mi maleqqullugit.
- Coronamut misissuutitigut sulisut tunillatsissimasutut ersiuteqarpata taakku namminneerlutik mat-tutissapput napparsimmavimmullu namminneerlutik inniminniissapput PCR-mik misissortinnissamut
- Sulisut coronamik tunillatsissimasutut PCR-millu misissuinermi tunillatsissimasutut ersiuteqarunik namminneerlutik qaninngoorsimasatik ilisimatissavaat
- ยทnun.gl-mi corona pillugu maleruaqqusat malitsinneqassapput imminut mattunnermi kiisalu peqqis-sinermik nalunaaruteqarnermi.