airplanebooksbriefcase business cogs cross election entertainment fish house law lockmedicalpeopleselfservices socialtax

Kommunimut pilersaarummut tapiliussaq nr. 27, Issortarfik, Ilulissat

Sannassisoq ApS-iminngaannit suliffeqarfiup eqqaani sulisunut inissianik pilersitserulluni kissaateqartoqarpoq
14. februar 2022

Sannassisoq ApS suliffeqarfiata nunaminertami pigeriigaani delområde 1200-B08-imii atugassamik pioreersumik allannguinissamut qinnuteqartoqarpoq.

Suliffeqarfiup nunaminertaq pigeriikkami ilaani inissialiornissani siunertaarivaa.

Delområde A26-ip inissianik qulerinnik sanasoqarnissaa atorluarniarlugu kujataa tungaanut nunaminertap nuunneqarnissaa kissaatigineqarpoq

Kommunemut pilersaarummut tapiliussaq nr. 27 piffissami 11.2.2022-miit 8.4.2022-mut tamanut tusarniutigineqarpoq.

Kommunip pilersaarutaata tapiata siunertaa

Kommunep pilersaarutaanut tapiliussap siunertarineruaa nunap ilaa inissianut assigiinngitsunut sanaartorfigineqarnissaanut toqqarneqarnissaa.

Tassunga atatillugu delområde 1200-A26-ip killinga allineqassaaq, taavalu detailområde A26.4 annikitsortaata nutaap killeqarfia aalajangersaavigineqassalluni, tassani qulerinnik inissianik inissittussanik sanaartorfigineqarnissaa periarfissillugu.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniutaasumut akissutit kommunep nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. Mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 8.4.2022.

Siunnersuut uani takujuk