airplanebooksbriefcase business cogs cross election entertainment fish house law lockmedicalpeopleselfservices socialtax

Kommunemut pilersaarummut tapiliussaq nr. 29 mi UNESCO-mi kingornussassamut killigitinneqartumi illuaqqamik sanasoqarnissaanik siunnersuut

Kommunimut tapiliussaq nr. 29 periarfissiivoq illuaqqap pigineqareersup inatsisinut naapertuuttunngortinneqarnissaanut
8. marts 2022

 

Kommunimut tapiliussassatut siunnersuut nr. 29  tamanut tusarniutigineqarpoq piffissami: 07.03.2022 til og med 19.04.2022

Kommunimut pilersaarummut tapiliussaq nr. 29

Kommunip pilersaarummut tapiliussamut  siunertaq

Kommunimi tapiliussamutt sulinertaavoq immikoortumi nunaminertami killigititami minnerusunik sanasoqarnissaa,sanaffigineqartorlu pillugu aalajangersagaliortoqassaaq, taakkunani illuaqqap angissusaa, inissisimaffia isikkussaalu aalajangersarneqassallutik.

Immikkortumi nunap pitsaassusaa eqqarsaatigalugu taamaallaat periarfissaqarpoq qaliaqanngitsumik ataatsimik illuaqarnissaa. Quinik aneerasaartarfinnik ungalunilluunniit sanaartorfioqqusaanngilaq. Illuaqqamut aqqut taamaallaat qimussit aqqutaat aqqutigalugu ingerlanneqarsinnaavoq imaluunniit qamutinik motorilinnik aqqutissiarineqarsimasutigut ingerlasoqarsinnaalluni. Tamatuma saniatigut aalajangersagaliortoqarsimavoq illuaqqamik piginnittup pisussaaffigigaa nunaminertap eqqiluitsuullunilu torersuunissaanik.

Kommunimi tapiliussaq pillugu tusarniaasoqassaaq sapaatip akunnerini arfinilinni. Piffissami tassami innuttaasut, suliffeqarfiit, suliffiit, peqatigiiffiit allallu naammagittaalliuuteqarsinnaapput, oqaaseqaateqarlutik aamma allannguutissatut siunnersuuteqarlutik.

Tusarniutaasumut akissutit kommunip nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imaluunniit. Mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 19.04.2022.