Borgmester Palle Jerimiassenip Ilulissat Timersortarfiani Sermermiunilu sulisunut, pinaveersaartitsinermut siunnersortinut kiisalu Peqqinneq Sunngiffimmeersunullu saqqummiuppaa, isumassarsianut kommunalbestyrelsillu siunniussaanut akuutitsiniarluni.
Multihalimik kissaateqarneq oqaatigineqarpoq, tassani eqqissisimaartarfimmik teqeqqoqassaaq, E-sporterfik, timilu atorlugu assingiinngitsunik sammisassaqartitsivik. Innuttaasut oqartussaaqataanerussapput innuttaasullu tarmik kateriffigisinnaasaannik inissaqartitsisoqassaaq. Taamaasiornikkut innut-taasut qammarniarneqassapput allaniik isumassarsitinneqarsinnaallutik aalaatsiminnik atuilluarneruler-nissaannut.
”Meeqqat susassaaleqisut tassaapput aserorteriniartartut. Meeqqat eqiingasut nukinnik atuisarput alla-nillu ataatsimooqateqarlutik, taamaattumik meeqqat sammisassaqartissavagut”, Palle Jerimiassen oqarpoq.
Meeqqat 9-12-nik ukiullit 62 %-tii eqeersimaarput, taamaattoq 13-15-nik ukiullit 42 %-tiinnaat taamaallutik. 16-35-nut ukiullit eqeersimaarnerupput (39%) inersimasullu 55-it sinnerlugit ukiullit 31 %-tii timersorlutillu timigissartarput. Kisitsisit taakkuupput kommunalbestyrelsimit kissaatigineqartut qaffasinnerunissaannik.
“Meerartagut inuussuttuaqqallu isumassarsitissavagut eqeersimaarneroqqullugit isumaliortaaseq una peerlugu, “imaaliortarpugut”. Nutaamik eqqarsassuugut innuttaasugut pittaanerusumik atu-gassaqartinniarlugit” borgmester Palle Jerimiassen nassuiaavoq.
Takorluugaq tassaavoq kikkut tamat orniguttarfii illoqarfiup innuttaasuinit tikikkuminarnerunissaat. Timersortarfik timersorfiinnaassannngilaq, illorsuarli assiigiinngitsunik tamanut sammisassaqartitsivi-ussaaq. “Timersortarfiup torsuusaani meeqqat meeqqat arpaqattaartillugit sulisut oqallittut tusartarpakka, torsuusani arpattoqartassanngitsoq, kisiannili taamaaliorlik, torsuusani arpallik taamaasillutik namminneerlutik nuannisaarlutik pinnguarlutik timitik aalatillisigit, uninngaannarlutik is-siarusaaginnaratik”, Palle Jerimiassen nassuiaavoq.
Oqaluttuarportaaq killilersuisoqassanngitsoq kisiannili periarfissarsiortoqassasoq. Tamanna pisinnaavoq E-sportimik pinnguarnissamut ammaassillutini periarfissiinikkut, manna taanna nunarpassuarni ilu-atsilluartumik ingerlanneqarmat, kiisalu innartorneq, misiginiutinik atuiffimmik inersuaaqqamik, nerrivimmi arsarneq imaluunniit AirHockey periarfissaassapput.
“Takorluugaq tassaavoq aanaa teqeqqumi issiaartoq qilattaalluni ernutaa torsuusami arpattaartoq ma-linn-guaqataalluni, ataataa inip aappaani arsartoq anaanaa cafémi issiaartoq, taamaasilluta inunnut katersuuffiusumik pilersitsissuugut, taamaasillutalu allat kajumilersissinnaallugit assigiingitsunik sam-misassaqarnissa-mut” Palle Jerimiassen nassuiaavoq.
Unnukkut inukkaaffiit, peqatigiiffinnut assigiinngitsunut katersuuffiit tuniniaaffiusut imaluunniit erinar-sortunik unnussiorfiusut tassaasinnaapput isumassarsiat ataatsimoornissamik pilersitsiffiusut. Periarfissat ammasuussapput.
“Naleqartitanik nutaanik pilersitsinikkut ataatsimoorfiusunik pilersitsisinnaavugut ukioqatigiinnut tamanut peqqinnarnerusumik avatangiiseqartitsinissamut”, Palle Jerimiassen oqarpoq.
Avannaata Kommunia Ilulissat Timersortarfiani bordtennissinik kikkut tamat atorsinnaasaannik nerrivilersuivoq, peqatigiiffiillu init ataatsimiittarfiusut atortarsinnaavaat akeqanngitsumik illoqarfinni assigiinngitsuni.