Kommunimut pilersaarummut tapiliussaq nr. 32
Kommunip pilersaarutaata tapiata siunertaa
Sumiiffimmi kommunep ulluunerani paaqqinnittarfiliorneranut atatillugu, pisariaqarluinnarpoq paaqqinnittarfiup tungaanut aqqusinissap inississima-nerata allannguallatsinnissaa, sanaartorfissat kiisalu nunatamerngit pinngu-artarfittut atugassat biilinullu uninngatitsiviit.
Aammattaaq kommunep pilersaarutaanut tapiliussaq periarfissiivoq ullukkut atuarfimmik sumiiffimmut inissiisinnaaffiulerluni, tassanilu atuartut paaqqin-nittarfiup pinnguartarfianik atuisinnaalersillugit.
Allannguutit taakku nassataraat inissianut sanaartorfissat mikinerusut pingasut, iluaqutigineqanngitsut, sanaartornissamut pilersaarummit peerneqarnerat.
Kommunip pilersaarutaanut tapiutip imm. ilaani sanaartorfissat sinneri taakku allanngortinngilaat, taakkulu manna tikillugu taamatut annertussuseqartillugit, aamma taamatut inissisimaffeqartillugit politeeqarfittut akunnittarfittullu atorneqarsinnaajuarput.
Kommmunimut pilersaarummut tapiliussaq sapaatip akunnerini arfinilinni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. Mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 30.06.2022.
