airplanebooksbriefcase business cogs cross election entertainment fish house law lockmedicalpeopleselfservices socialtax

Upernavimmi atoqqiineq piujuaannartitsiniassarlu isiginiarneqarput

Upernavimmi eqqaavissuarmiik untritillit meterinik ungasitsigisumi, Nikolaj Sørensen, Café de Upernavik-mik piginnittoq, danskit avatangiisinik suliffeqarfik STRANDET ikiorsiullugu sulinium-mik aallartitsisimavoq tassani plastikkit eqqakkat tunisassiatut nutaaliarineqarlutik.
31. maj 2022

. Anguniagaavoq eqqakkanik passussinerup atoqqiinerullu isiginiarneqarnerunissaa.

Eqqakkaniik attatinut
Plastikkinit qajuusaasiat, aalisakkanut karsinit aserorsimasuneersut, talartimut maskiinami sungaartu-miittumut kuineqartarput. Kuitsivik eqqoqqissaartumik sullulinnguup ataanut inissinneqartarpoq kingorna Nikolajip sakkortuumik assakaasoq kaaviseriartarpaa plastikkilu aannikoq kuitsivimmut naqittarlugu. Kinguninngua takutippai plastikkimik attatiliat qulit qaqortut tungujortullu. Kuitsivik katiteqqinneqartarpoq periuserlu uteqqinneqartarluni.

Aalisakkanut karsit eqqaavimmi katersaapput, kingorna salinneqarsimapput mikisuaqqanullu aseror-terlugit, tassalu attatiliassaniik tammajuitsussatut suliarineqariaannanngorlutik – tunisassiatigut tamakkunuuna eqqakkat nalituunngorlugit atoqqissinnaalersarput. ”Upernavimmi nunaqarfimmiu-nullu inunnut takutikkusupparput eqqagassatigut unammillernartut pitsaasumik aaqqiissusiorsin-naagigut”, Nikolaj oqarpoq.

Atuartut plastikkip mingutitsineranik atuartitaasarput

Upernaviup atuarfiani 6.-8.-mi atuartut periarfissinneqarput plastikkinut suliniut misigisaqarfigissal-lugu ilinniartitaallutillu eqqakkat pinngortitamut pingaangata susoqartarneranik. Nuannernerpaa-vorli atoqqiisinnaanermut maskiina misilinnissaanut akueritikkamik plastikkinik eqqakkanik ilusi-lersuillutik.”Atuartunut ornigulluni suliniut atuarfinni paasisitsiniutigalugu, neriuutigaarput eqqakkat atoqqiinerlu pillugit ilisimasaqartitsinerulissalluta nuannersumik akuutitsisumillu”,Nikolaj Sø-rensen oqarpoq.”Neriuutigaarput atoqqiisinnaanermik suliniut Avannaata Kommuniani atuarfinnut angallassinnaassallugu, taamaasilluni atuartorpassuit ilisimasaqarnerulissammata eqqakkanullu tunngasunik , atoqqiinernut avatangiisinullu”,ilassusiivoq. 

Eqqakkat pinngortitami innarliisarput.

Pinngortitami nunarsuattalu imartarsuini eqqakkat avatangiisinut ajornartorsiortitsingaluttuinnarput. Nunarsuup annersaani taamaappoq ajoraluartumilli aamma Kalaallit Nunaanni. 2021-mi WWF Verdensnatuarfonden-imiik misissuinermi sinerissami eqqakkanik katersuinikkut takutippaa, eqqakkat amerlanersaat Kalaallit Nunaanneersuusut. Tamannalu iliuuseqarfigisariaqarpoq – pinngortitaq uumasuilu pillugit.

Taamaammat Nikolajip Jens Wilhelm danskit avatangiisit pillugit suliffeqarfianiik STRANDET-imiik pissarsiaraa, taassuma suliaraa eqqakkat pinngortitameersut isiginiarnissaat aammalu plastik-imik atoqqiinissaq. Avannaata Kommuniani Piujuaannartitsinermut immikkoortoqarfimmiik tapiis-sutit iluaqutsiullugit suliniummut maskiina pisariaqartitaq pisiarineqarpoq ataasinngornermilu 23.maj Upernavimmi innuttaasunut maskiina alakkartinneqarpoq tassanilu eqqakkat, atoqqiineq pinngortitarlu pillugit oqaluuttoqarluni. ”Nuannerpoq takullugu misigalugulu illoqarfiup innuttaasa tapersersuinerat qujanartumillu eqqakkanik unammillernartorpassuit pillugit uppernarseqqipparput tamakku pinngortitamut pisartut, tamannalu maani nunallit, meeqqaniik inersimasunut isumalioqqu-taasartoq,”Jens Wilhelm STRANDET-imik piginnittoq oqaluttuarpoq.
”Maanna neriuutigaarput suliniut amerlasuunit nuannaarutaajumaartoq eqqagassallu pillugit unammillernartut Kalaallit Nunaata illoqarfiini nunaqarfiinilu pitsaasumik aaqqiissusiortoqarumaartoq”
naggasiivoq.

Attaveqarnissamut paasissutissat:
Nikolaj Sørensen – Café de Upernavik – 270820 – cafeupernavik@gmail.com
Jens Wilhelm – STRANDET - +4528769936 – jens@strandet.io