Kommunip pilersaarutaanut tapiut nr. 25-mut siunnersuut piffissami 20.06.2022-miit 01.08.2022-mut tamanut tusarniutigineqarpoq.
Kommunimut pilersaarummut tapiliussaq nr. 25
Kommunip pilersaarutaata tapiata siunertaa
Kommunip pilersaarutaanut tapiutip siunertaa tassaavoq immikkoortoq A29.3-mut aalajangersakkat aalajangiunnissaat, taamaalilluni akunnittarfiup allinissaanut piviusumik periarfissaq ammarneqassammat. Akunnittarfiup allinera ilaatigut nunaminertamut quleriinnik inissialiorfissamut pilersaarutaasimasumut inissinneqassaaq.
Tapiummut siunertat allat tassaapput akunnittarfioreersumut allisaqarnerup attavilerneqarlunilu pissusissamisoortutut isikkoqartinnissaa, ullutsinnili illulioriaaseq init suussusiinut nutaanut toqqammavissiisinnaavoq, aammalu kiffartuussinermut atortorissaarutit ullutsinnut naleqqunnerusut atugaalersissinnaavai.
Tassunga atatillugu biilit uninngaartarfii amerlanerit qularnaarneqassapput, soorlulusooq ilassutitut aqqummik attavissamik tapiut periarfissiissalluni, kiisalu Mittarfimmut Aqqummut pisuinnaat aqqutaannik periarfissiilluni.
Kommmunimut pilersaarummut tapiummut siunnersuut sapaatip akunnerinik arfinilinnik sivisussuseqartumi tusarniutigineqarpoq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. mailikkut uunga: plania@avannaata.gl.
Aamma akissuteqaatit najukkanni Sullissivimmut imalunniit kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqarsinnaalissaaq.
Tusarniaanermut akerliussutissaqaruit imaluunniit oqaaseqaatissaqaruit taakku kingusinnerpaamik kommunimit tiguneqareersimassapput ulloq 01.08.2022.
