airplanebooksbriefcase business cogs cross election entertainment fish house law lockmedicalpeopleselfservices socialtax

Takornarianut paasissutssiivik nutaaq Iluatsilluartoq

Takornarianut paasissutssivik nutaaq Iluatsilluartoq

”Vi vil gerne sige en stor tak til alle operatører og lokalbefolkningen for at give vores turister så god service,” siger Anja Reimer.
4. oktober 2022

Avannaata Kommuniani takornarianut paasissutissiivik nutaaq aasaanerani ulapaarfiusimavoq. 2022-imi Ilulissani takornarianut paasissutissiivik maannamut takornariat 4.300- t sinnerlugit pulaarsimapput. 

”COVID-19 qaangiunnerani takornariat amerlalluinnartut tikeraqqilersimapput. Aasaanerani ulapaarsimaqaagut takornariallu amerlasuut kissaataannit apeqqutaannillu ikorsimavagut.  We’re Back in Business!” Anja Reimer qungujorujussuarluni oqarpoq.

Anja Reimer Avannaata Kommuniani Inuussutissarsiornermut Ingerlatsivimmi takornarianut paasissutissiisartutut atorfeqarpoq, illoqarfiup qeqqani allaffimmi nutaami takornariaqarnerup nalaani takornarianik isertoqartarsimalluni. 

Takornariaqarnermut paasissutissiivik Ilulissaniippoq kisianni kommuni tamaat sullippaat takornariallu illoqarfinni nunaqarfinnilu nuannersunik misigisassarsiornissaannut ujartuinermi ikiuuttarput.

Illup saavani karseqarpoq taassumalu iluaniipput illoqarfiup assingi akeqanngitsut taava allaffimmi nuanneqisumi takornarialerisut tamarmik namminneq allagartaatitik neqeroorutit allallu atortussaatitik takornarianut tingoriaannanngorlugit ilisarpaat. 

”Takornarialerisut sumiiffimmilu innuttaasut qamannga pisumik qutsavigerusuppagut, takornariat taama pitsaatigisumik sullinneqarnerat pillugu aamma nuannersunik misigisaqartinneqarneri pillugit", Anja Reimer oqarpoq.

Inuussutissarsiornermut Ingerlatsivik illoqarfinnut Qaanaamut, Upernavimmut, Uummannamut Ilulissanullu immikkut ittunik quppersakkanik sananikuupput, immikkuullarissuuneri malillugit pilerisaarusiorlugit.  Takornariat allaffiata iingaani aamma kommunip illoqarfiisa anginerpaat assigi kusassaataasut takuneqarsinnaapput, tassani sumiiffiit ilisarnaataat assigiinngitsut qaqortumik tungujortumillu qalipaatillit ersarissarneqarlutik. 

”Takornariat puigugallarinngisassaminnik ujartuisarput aamma Kalaallit Nunaat pillugu ilisimasassat suulluunniit paasissallugit soqutigaat,” Avannaata Kommuniani Inuussutissarsiornermut Ingerlatsivimmi takornariaqarnermut paasissutissiivimmi sulisoq Anja Reimer oqaluttuarpoq.

Kiisalu kommunip Instagrammianut Facebookianullu allagarsiisarpoq, takornarianut tunnganerusunik. Tassani kulturi, oqaluttuarisaaneq allallu pissanganartut oqaluttuarineqartarput.  Explore North Greenland aqqutigalugu nassaarikkit 

Takornarianit Top-5 apeqqutigineqakkajuttartut

Ilulissat illoqarfiata qeqqani Illoqarfiup assinganit pilerinartunut aqqutit saniatigut, takornariat apeqqutigisarpaat:

  • Sualummik nunaqarfinnut angalanerit pisuttuarnerillu, Qeqertarsuup Tunuani aamma Eqip Sermiani
  • Misigisassarsiornerit sumiiffimmilu takornarialerisunut attaveqarnissaq
  • Neriniartarfiit pitsaasut kalaallit nerisassaataannit neqeroorutillit
  • Pinngortitami tammaarsimaarnissamut maleruagassat
  • WiFi, illoqarfimmi angalaneq, mittarfimmut Kangiatalu Illorsuaanut aqqutit

”Takornariat takornarialerisunut ataasiakkaanut attaveqarnissaannut ikiortarpagut. Ulapaarfimmi tamaasa ikiornissaat piffissaaleqilluta ajornakusoortittarpagut, taava takornariat takornarialerisut namminneq attaviginissaat ajunngitsumillu sullinneqarnissaat pillugu peqatigiilluta ajornannginnerusumik attaviginissaat isumagisarpagut,” Anja Reimer oqarpoq. 

Nunat allaneersut amerlanerit telenettitik Tusass-net suleqatiginngilaat taamaattumik takornarialerisut tamarmik soorlu WhatsApp-qarnissaat pingaaruteqarpoq.  Taamaanngippat takornariat attaveqarniarnermikkut ajornartorsiussapput misigisassarsiornermullu inniminniinissaat ajornartorsiutinngussalluni. 

”Allaffimmi wifi-qarpugut kaffeqarlutalu taamaalillutik takornariat eqqisseqqinnaarlutik takornarialerisut attavigisinnaavaat. Taamaattumik pingaaruteqarpoq, inuit takornarianut attavigineqarusuttut atortussaatitik soorlu visitkortitik quppersagaatitillu - sualummik WhartsApp imaluunniit attavigineqarnissamut periarfissat allat telefonnettip avataatigut ilisarnissaat,” Anja Reimer oqaluttuarpoq.

Atortussanik tunniussineq periarfissaanngippat, Inuussutissarsiornermut Ingerlatsivimmut paasissutissat nassiunneqarsinnaapput taakku takornariat allaffiani takussutissiarisinnaavaat. Takornarianut