airplanebooksbriefcase business cogs cross election entertainment fish house law lockmedicalpeopleselfservices socialtax

Tusarniaaneq

Aqutsiveqarfimmi Qeqertarsuup Tunuani inuussutissarsiutingalugu qassusersorluni ileqqoreqqusaq.
Avannaata kommuniani Aalisarnermut Piniarnermullu Ataatsimiititaliaq 28.oktober 2022 ataatsimiikkami aaliangerpoq, Qeqertarsuup Tunuani sinerissap qanittuani qassusersorluni qaleralinniarnermut ileqqoreqqusassatut siunnersuut sapaatit akunnerini arfineq pingasuni innuttaasunut tusarniutigineqassasoq.
3. november 2022

Tusarniummut akissutit pappiaranngorlugit najukkami inuussutissarsiornermut immikkoortortaqarfimmut imaluunniit mail: avannaata@avannaata.gl nassiunneqassapput kingusinnerpaamik marlunngoreq 3. januar 2023 nal. 15.00


Ilanngussat:

• ileqqoreqqusassatut siunnersuut

 immap assingatikut killeqarfiliineq  

------------------------------------------------------------

ILEQQOREQQUSASSATUT SIUNNERSUUT 


SIUNNERSUUT

Qeqertarsuup Tunuani aqutsisoqarfimmi qassusersorluni inuutissarsiutingalugu aalisarneq pillugu Avannaata Kommuniani ileqqoreqqusaq, xx.xx.2022-imeersoq.


Aalisarneq pillugu Inatsisartut inatsisaat nr. 18, 31.oktober 1996-imeersumi § 23 aamma § 33, imm. 2, kingusinnerpaamik Inatsisartut inatsisaat nr. 28, 28.november 2016-imeersumi allanngortinneqartoq, aamma Sinerissap qanittuani qalerlinniarneq pillugu Namminersorlutik Oqartussat nalunaarutaat nr,. 11, 28.august 2014-imeersumi § 10, imm. 2 malillugit aalajangiunneqarput.

Ileqqoreqqusap atuuffia

§ 1. Qeqertarsuup Tunuani aqutsisoqarfimmi, 68⁰52,5´N-ip avannaani, aamma 70⁰30´N-ip kujataani sineriammit sumiiffiusumi, aamma aalisartoqarfimmut tunngavigisatut killingisat avataanni sømilit pingasut tikillugit nassuiarneqartutut sinerissap qanittuani aalisarnermut atuuppoq.

Inuussutissarsiutingalugu qaleralinnut qassusersorluni aalisarneq

§ 2. Qaammatini januaarimi, februaarimi, marsimi, apriilimi aamma maajimi ilanngussani sumiiffiit nalunaarsukkat avataanni inuussutissarsiutigisatut qassusersorluni qaleralinniartoqaqqusaavoq.

Qassusersorluni saarullinniarneq

§ 3. Ilanngussaq 1-imi sumiiffiit nalunaarsukkat avataanni taamaallaat qassusersorluni saarullinniartoqaqqusaavoq.

§ 4. Ukiuunerani sikoqarnerata qassusersorluni aalisarneq ajornartorsiortissappagu najugarisami peqatigiiffinni tusarniaareernermigut qassusersorluni aalisarneq kommunalbestyrelsip matusiffigisinnaavaa.

Pineqaatissiissutit

§ 5. § 2 aamma § 3-mik unioqqutitsinerit akiligassinneqarnermik arsaarinnissuteqarnermillu nassataqartitsisinnaapput. Imm. 2. imm. 1 malillugu akiligassiissutit Kalaallit Nunaanni Pinerluttulerinermut inatsimmi malittarisassat malillugit inatsisitigut inuttut naatsorsuussanut akileqqusaasinnaapput.

Atuutilernera

§ 6. Ileqqoreqqusaq una nalunaarutigineqareernerata kingorna ingeerlaannaq aatuutilerpoq. Imm.2 Taamaalinerani Qeqertarsuup Tunuani aqutsiveqarfimmut atuuttoq Qassusersorluni qaleralinniarneq pillugu Avannaata kommunianut ileqqoreqqusaq 4.december 2020-meersoq atorunnaarsinneqarpoq.

Taamatut ulloq xx.xx 2022-mi Avannaata Kommuniani Kommunalbestyrelsimit akuersissutigineqarpoq.

 

_____________________________________

Palle Jerimiassen Borgmesteri

Aqutsiveqarfimmi Qeqertarsuup Tunuani inuussutissarsiutingalugu qassusersorluni aalisarneq pillugu Avannaata Kommuniata ileqqoreqqusaa aalajangersarneqarpoq. Namminersorlutik Oqartussat, ulloq xx.xx. 2022

 

______________________________________

Karl Tobiassen Aalisarnermut, Piniarnermut Naalakkersuisoq

Ilanngussaq 1

Sumiiffiit makku iluini inuutissarsiutingalugu qassusersorluni aalisarneq inerteqqutaavoq:

Nuusaarsuk – Eqip avataa:

1. Sermermiut Nuuat 69⁰12`01`2N 51⁰08`16.7``W

2. 69°09`00`N 51°07`00``W

3. Pitoqqiup Nuua 69⁰08`07``N 51⁰02`20``W

Torsukattak – Ilulissat Avannaanni:

1. Nungaaq 69⁰57`44.6``N 51⁰00`9`7`W

2. Ikerasannguup Kangimut Nuua 69⁰55`08`7`N 51⁰01`10`8`W

3. Sammisunnguaq 69⁰53`45`3`N 50⁰47`57`2`W

4. Qeqertakassaap Saqqaa 69⁰54`38`8`N 50⁰46`58`8`W

5. Ilerfit 69⁰55`11`4`N 50⁰39`42.4`W

6. Anap Nunaa 69⁰55`19.0`N 50⁰36`44.6`W

Nunap assinganik ilanngussat 

Nunap assinganik ilanngussat missingersuutaannaapput.

Naapertuuttoqartinnagu allorniusanut tukimukartunut sanikumartunullu siuliani allassimasutut naleqqerfiit atuutissapput.Ilanngussat: