Download Kommunimut pilersaarummut tapiliussaq nr. 32
Kommunimut pilersaarummut ilanngussap siunertaa
Kommunimut pilersaarummut ilassut una 2021-imi sumiiffiup ilaa 1200-C24 pillugu pilersaarutitut tunngavigisaq atuuttunngortinneqarsimasup nutarterneraa.
Kommunimut pilersaarummut ilassummi pingaarnertut siunertaavoq qitiusoqarfiliornissami nutaanik sanaartornissamut periarfissiinissaq, taamaaliornermi sumiiffiup ilaani anguniakkat pingaarnerit aalajangersakkallu immikkuualuttuortai ilanngullugit aalajangersarlugit, Ilulissat illoqarfittut ineriartornera avannaatungaanut pisinnaani-assammat.
Sanaartorfissaq tulluarsarneqarpoq, taamaalilluni sumiiffiup ilaani tassani sanaartorfissanik sisamanik inissiisoqarluni, taakkunani ataatsimoorussamik siunertalinnut makkununnga inissaqarluni: politeeqarfik, suliffeqarfik, ulloq isukkaarlugu atuarfik aammattaaq illoqarfittut ingerlassat, soorlu akunnittarfik il. il.
Sanaartorfissaq inuttaqanngitsoq
Ilutigalugu matumuuna nalunaarutigineqassaaq sanaartorfissaq inuttaqanngitsoq una pillugu nunaminertamik tunineqarnissamik qinnuteqartoqarsinnaammat: Sanaartorfissaq 1 (akunnittarfik) kommunimut pilersaarummut aalajangersakkami § 5.3-mi sanaartorfissat inuttaqangitsut inuussutissarsiornermut aammalu paaqqinnit-tarfinnut siunertallit pillugit aalajangersakkat naapertorlugit sapaatit akunnerini arfi- nilinni sanaartorfiup inuttaqannginnera nalunaarutigineqarpoq.
Piffissaliussatut suliaqarnissanullu pilersaarut
20.12.2022: Ullormiit tassanngaanniit ulloq taanna ilanngullugu sanaartorfissaq pillugu nunaminertamik tunineqarnissamut qinnuteqartoqarsinnaalissaaq.
07.02.2023: Nal. 16.00 sanaartorfissaq pillugu nunaminertamik tunineqarnissamut qinnuteqaatinik tigujoraaneq siulleq matuneqassaaq.
Sanaartorfissamut tassunga piukkunnartunik arlalinnik qinnuteqartoqarpat, kiap nunaminertaq pissaneraa makitsinikkut aalajangerneqassaaq.
Tamatuma kingorna sanaartorfissaq suli inuttaqanngippat qaqugukkulluunniit nunaminertamik tunineqarnissamik qinnuteqartoqarsinnaavoq.