airplanebooksbriefcase business cogs cross election entertainment fish house law lockmedicalpeopleselfservices socialtax

Avannaata Kommuniata missungersuutai 2023 akuerineqarput

Avannaata Kommunia-ni Kommunalbestyrelse-p kommune-p
missingersuutai 2023-mut tunngasut akuersissutigai, ukiup naanerani
karsimiittutigineqartussanngorlugit 31 mio. kr.
2. december 2022

”Tulluussimaarutigeqaara kommune-p missingersuutai 2023-mut ukiunullu tulliuttunut tunngasut annertuumik isumaqatigiissutigigatsigit. Suliniarnissatsinnut tunngavissamik pitsaasumik pilersitsisoq,” Avannaata Kommunia-ni borgmester Palle Jerimiassen, oqarpoq.

Partiit tamarmik, kommunalbestyrelse-mut ilaasortat attaviittoq kisiat pinnagut missingersuutit 2023-moortut akuerimmassuk.

”Kommunalbestyrelse ataatsimiititaliallu ataavartut pitsaasunik tunngavilersorluakkanik aqqutaani  oqaloqatigiittarsimapput, angusarlu pitsaalluinnartoq parti-t akornanni suleqatigiilluarnermik kinguneqarpoq, missingersuutinik oqimaaqatigiittunik kiisalu ukiup naanerani aningaasanik uninngasuutigineqartussanik pitsaasunik angusaqartitsivoq”, Palle Jerimiassen oqarpoq.


Kommunalbestyrelse-p ataatsimiinnerani ulloq 25. november 2022 imaqarniliaq takuuk missingersuutit suliarineqarnerat akuerineqarnerallu. Aamma tassani takuneqarsinnaapput Missingersuutit 2023-mut tunngasut ersarinnerusut.

Missingersuutit 2023-mi kisitsisit pingaarnerit

Missingersuutit takutippaat isertikkumaakkat katillugit 996.260 mio kr. Taakkulu affangajai akileraarutinik isertitassatut kiisalu bloktilskud-it 552 mio. kr. missaaniissallutik.

Aningaasartuutit kisitsisitai pingaanerit ima agguataaqqapput:

Ilaqutareeqarnermut 326 mio. kr.

Ineriartornermut 311 mio. kr.

Allaffissornermut 170 mio. kr.

Pilersuinermut 15 mio. kr.

Teknik-imut tunngasut 50 mio. kr.

Inuussutissarsiornermut tunngasut 27 mio. kr.

Sanaartornermut tunngasut 80 mio. kr.

Kommunep karsimiittuutissaatut missingersukkat 31,5 mio. kr. 2023 naanerani.

Sanaartornermi pilersaarutit 2022-miik 2023-mut nuunneqartut  – katillugit 30,6 mio kr.

Sanaartornermi pilersaarutit ilai 2022-mut missingersuusiorneqarsimasut kr. 30,6 mio. naammassineqarsimanngillat kiisalu pilersaarutit aallarteriikkat ilai piareerneqarsimanatik.

Naak sanaartugassat suliariumannittussarnisuunneqarsimagaluartut, neqeroortoqarsimanngilaq.

”Malugilluinnarparput sulisinnaasunik annertuumik amingaateqarneq taamaalilluni sulianik allartitsinisamik periarfissat kinguarsarneqarlutik, soorlu aqqusernit atuarfiliornerit, aningaasaliiffigereernikuungaluartut,” Borgmester Palle Jerimiassen oqarpoq.

Taamaattumik kommunalbestyrelse missingersuutit 2023 suliarinerini aalajangerpoq sanaartornermut missingersuutit sanaartornermi piginnaasanut aaqqigullerneqassasut, taamaalilluni 2023-mut missingersuutit 80 mio. missaanik annertussuseqassasut.

Missingersuutit suliarinerini kommunalbestyrelse aalajangiuppaa, kommune-mut akileraarutip procent-ia nikingani 28%-ussasoq.

Kommunalbestyrelse tamarmiusut qutsatigaat ukioq suliffiusoq juullisiorluarnissamillu kissaallutik.