Oqaloqatigiittarnernut tunngaviuvoq, Avannaata Kommunia Teknik-ikkullu ingerlatsiviup sivittortumik aalajaatsumik ingerlatsineq unammillernartoqartikkaa, ingasammik nunaqarfinni. Peqqutillu ilagingaat sulianut naleqquttumik akissaasersuinnginneq, sulisut naammattut sulerusulersinnissaannut sulisoriinnarnissaannullu soqutiginnilersitsisumik.
Avannaata kommunia-ni ingerlatsinermi sulisunut akissaatit taamaanneri nutaanngortinneqaraluarpata periarfissaqalissagaluarpoq namminersortunut isumaqatigiissutit kommune-mi sulisunik taarseriartuaarnissaat akunnermusiat pitsaanerusut atorlugit. Tamanna aamma periarfissiissooq suliat amerlinerinut, eqqaavilerineq atserinerlu kisiisa piunnaarlugit.
Avannaata Kommunia-ni kommunalbestyrelse 17. marts 2023 ataatsimiinnermini 470.000 kr.-nik sulisut akissarsiaannut aamma imaluunniit namminersortunut Teknik-eqarfiup ataani ingerlatsinernut akiliutinut qaffaatissanik immikkut akuersissuteqarpoq.
Ingerlatsivimmi sulisunut akunnermusiat allanngortissinnaanerannut isumaqatigiisusiornissaq SIK-p Departement-illu isumaqatigiinniarnermut immikkoortortaanik ingerlanneqartussaassooq.
Tekst og foto: Dorthe Olander